لعنة امي

كرونيك_جزائرية هايلة منقووووولة غدر...خيانة....حب....دراما +16

                                                




للكاتبة ام تنسيم سمسومة - عنوانها الاصلي امي عاهرة فضنو اني مثلها غيرته لاسباب معينه (ام عاهرة شوي واعر )-


انا صفاء 21 سنة جزائرية وأمي لبنانية توفى ابي وانا في عمري 3 سنين واختي 7 سنين هزتتنا امنا وسافرنا للبنان استقرينا لهيه امي قبل ماتتزوج كانت عارضة ازياء بصح كي تزوجت ببابا بطلت الخدمة كي توفا بابا ورجعنا حاولت ترجع لخدمتها بصح اكيد مش كيما الاول كانت تخدم في اماكن غير محترمة نوعا ما المهم كانت تصرف





علينا يعني عايشين والسلام فاتو لعوام اختي لكبيرة دخلت للجامعة دارت طب اسنان وكملت قرايتها في فرنسا انا اديت الباك ودرت انجليزية درت حجاب صحيح امي عارضتني بزاف بصح في الاخير قاتلي انت حرة وكبيرة كنت مانخالطش منكذبش على روحي كنت نحشم بماما ومنحبش مامبا يعرفو الناس بلي هي امي كنت منطوية من البيت للجامعة في الليل كانت امي تقضي سهراتها مع المشروبات والاصدقاء واللعب يااماا تروح عندهم يا اما هوما يجيو عندها المهم تسهر كنت نداوس معاها على هاذو لفعايل ونقولها حرام عليك كي كان بابا حي مكنتيش هاك واش صرا كانت تقولي غلطتي لكبيرة كي تزوجتو وضيعت مستقبلي المهم كنت نحسد اختي خاطر باعدت وتهنات من حياة الذل هاذي رجال داخلين رجال خارجين واحد النهار كنت راقدة على 2 تاع الليل نسمع الحس ولعياط في الدار نضت نلقا الغاشي يجري انا بيتي لفوق واحد ماكان يطلع سهراتها كامل اديرهم تحت 🙊🙊🙊🙊طليت لقيت لابوليس والغاشي يجري رجعت لبيتي لين جاو دخلو 2 من لابوليس هزوني للمركز شفت لثمة بزاف وجوه كاين الي نشوفهم وكاين الي جامي شفتهم يسقسو فيا وانا في عالم واحد اخر ولاحظت بلي ماما ماكنتش لثمة بكيت بكيت وترجيت واحد ماسمعني ولاصدقني دخلت للسجن 3 شهر وانا نعاني من غير سبب تمنيت لوكان مت ومعشتش الجحيم الي عايشاتو والعار الي راح يلحق بيا بعد مانخرج من هاذ المكان.






والشي الي زاد عليا امي مسقساتش عليا ومابانتش خفت لايكون صرالتلها حاجة جاء اليوم الي نخرج فيه من هاذاك الجحيم رجل للوراء ورجل للقدام قشي بالي وحالتي يعلم بيها غير ربي سبحانو مشيت مشيت والجوع والتعب هدني لحقت لدارنا طلعت بخطوات ثقيلة خايفة ومرعوبة من الشي الي يستناني لقيت الباب مبلع صونيت حد ماجاوب قتلني التعب رقدت بحذا الباب مفقت الا بيد تجبدني هزيت نلقاها امراة في الاربعينات قاتلي نوضي اتنطرت وقعدت على روحي قلتلها واش كاين شكون انت قاتلي انا مولات الدار قلتلها انا مولات الدار قاتلي اااه انت الي وصاتني الي باعت الدار عليك قلتلها وين راهي قاتلي علاه واش دخلني فيها خلاتلك حقيبة وراحت دخلت جابتلي هازيك الحقيبة طيشتهالي وقااتلي تقدري تروحي قبل مايجي راجلي قلتلها اوكي هزيت بعضي وباعدت شوية وفتحت هاذيك الحقيبة لقيت شوية قش نتاعي اوراق نتاعي وشوية دراهم ورسالة لفتت انتباهي ازربت حليها لعلها تجاوبني على الاسىئلة الي في خاطري حليتها قالتلي اسفة بنتي نحبكم بصح قررت نروح نكمل حياتي في بلاصة اخرى انشاء الله افرج عليك ربي ويعطيك على قد قلبك لكبير بااي طاحت دمعتي سبقتني عرفت بلي امي تخلات عليا بكيت بكيت رحت للوتال شوية رخيص كان قريب لدارنا ونعرف مولاتو مليح






حكمت شامبرة وطلعت طيشت روحي على الفرش ورقدت مفقت الا على صوت الدقديق في الباب فتحت لقيتها مولات النزل هاذاك باستني وقاتلي عاش من شافك والله بعد الهدرة الي خرجت عليكم انا نعرف اخلاقك مليح والله ماصدقت هبطت راسي من الحشمة قاتلي كوني هانية راكي بنتي اقعدي الهنا حتى يفرج ربي وتلقاي وين تروحي وامك ربي يهديها انا قضيت عمري نجري من طبيب لطبيب لعل اينوب عليا ربي ونجيب بنوتة كيفك وهي تفرط فيك وانا دموعي هابطة عييت مانقول نضت دوشت لبست من القش الي كان في الحقيبة وخرجت رحت للجامعة دخلت للكلاس دار ليا الغاشي اكل ويضحكو ويهدرو بيناتهم عرفت بلي لخبر انتشر ورجعت سيرة على كل لسان ثم ثم عيطولي للادارة رحت قالولي اسفين بصح راقي موقوفة من لقراية عندك سوابق خرجت نكركر في رجليا ونبكي بحرقة لين تنفخو عينيا رجعت للنزل دخلت للبيت وبت ليلة كاملة نبكي ونخمم في مستقبلي واش مخبيلي نضت الصباح نحوس على خدمة والو كل يوم نفس الروتين نظل نحوس ولعشية ندخل قاتلي مولات لوتال تقدري تعاونيني انا وحيدة ومحتاجة سند في الحياة فرحت من قلبي وحضنتها حسيتها الام الي عوضني بيها ربي باه ننسى امي الي رغم كل شئ مازالت نحبها ونتمنالها الخير










كنت نخدم والحق نتاع ربي المراة محسستني كاني مولات الشى جاز عليا عام وانا نخدم عندها ماجد عليا حتى جديد وماسمعت حتى اخبار على امي ولا اختي تفكرت اختي الي مكلفتش خاطرها تحوس عليا بصح وين راح تحوس وبالاك معمبالها بوالو بالاك عيطتت للدار قالولها راحو الف سؤال وسؤال فاتو على مخي عييت نلقالهم جواب الصباح نضت نخدم كي العادة ملقيتش يمة عائشة رحت لبيتها طبطبت على الباب واحد مارد فتحت لقيتها مرمية على الارض عيطت لزوج يخدمو لثمة عاونوني درناها في الطوموبيل وهزيناها للسبيطار دخلوها خرج لينا الطبيب قال شكون منكم من اهلها قلنالو ولا واحد قتلو انا نخدم عندها وهي في مقام يما قالي تقدري تجي معايا قالي المراة راهي عندها سرطان في راسها وراهو في مراحل متاخرة لازمها العناية حتى ياخذ ربي امانتو روحناها للنزل هاذاك كان هو كلش في حياتها بعد موت زوجها كملت شدت بلاصتو فاتو ايام وانا قايمة بكلش نخدم و ونتلهى بيمة عائشة حتى جاء نهار دخلت عندها قاتلي ارواحي اقعدي بحذايا نحتاجك قعدت قاتلي هاكي الصندوق هاذا اديه وافتحيه بعد ماياخذ ربي امانتو قلتلها بعيد الشر عليك يايمة ولمن تخليني بكات وباستني وقاتلي ربي يعطيك ماتتمناي ويرزقك ورقدت فاتت سمانة بعدها دخلت نحطلها لفطور رحت بستها على جبينها لقيتو بارد اقلاص اتخلعت حطيت يدي على فمي وطحت فالارض ياربي مايكونش كيما نخمم ياربي ياربي عاودت هزيتلها يدها والو عيطت عيطت حتى حسيت صوتي اتقطع جراو ليا مفقتش بروحي الا وانا في السبيطار تفكرت بكيت بحرقة حسيت هاذاك النهار روحي يتيمة صح












هزيت روحي ورجعت للوتال لحقت لقيت الغاشي وناس منعرفهمش سقسيت الخدام قالي هاذوك امالين الشي عييت ماندير عمبالي مبقاتلي هزيت بعضي وطلعت نهز قشي دخلت لميت قشي وخرجت تفكرت الصندوق الي عطاتني يمة عائشة رجعت هزيتو ودرتو في كابتي ومشيت ديراكتمو للجبانة قريت الفاتحة على روحها وبكيت عند راسها بزاف ومشيت قلت مابقالي حتى حل الا اني نحوس على عنوان اختي ونحاول نروحلها اتصلت بواحد كان نزيل عندنا قالي بلي هو استاذ بالجامعة في فرنسا كنت وصيتو قبل 3 اشهر كي جا احوسلي على اختي لعله يلقالي خيط عيطتلو قالي اسف والله مشاغل الدنيا نساتني في المشكل نتاعك نوعدك نبدا نحوسلك من اليوم كوبيت عليه وحوست على بلاصة نبات فيها تفكرت واحدة من زميلات الجامعة كانت ابوها تاجر مخذرات واتحكم عليه مؤبظا والكل يكرهوها ومنبوذة من الجميع قصدت دارها رحبت بيا هي وامها قلتلهم اسمحولي نلقى بلاصة اخرى نروح مندرونجيكمش بزاف قاتلي المراة لايبنتي مرحبا بيك بصح عندي ابني مزير منهار الحادثة كره الناس اكل ومايحب حتى واحد اجينا وهو ايفوت علينا مرة في 15 يوم يشوف واش نحتاجو ويروح جا غير البارح بربي نلقاولك وين تروحي حتى يروح بقيت عندهم فاتو 10 ايام صونا تلفوني كان هذاك الاستاذ قالي ابشري لقيتلك اختك وجبتلك حتى رقمها مافهمت نفرح مافهمت نحزن رجعت بخيالي للوراء واسترجعت ذكرياتنا مع بعض خفت تكون نساتني خفت تكون بدات حياتها ونفسدهالها خفتت تحشم بيا ومتقيمنيش خفت الف حاجة وحاجة خممت فيها ليلة كاملة مارقدتش لحقت 3 نتاع الصباح بدا الدقديق في الباب بقوة اتخلعت فتحت لقيت مروة صاحبتي قاتلي تعيشي اختي تعيشي اهربي راهو هنا لوكان يلقاك يذبحني انا ويما تعيشي الصباح وولي ياربي وين نروح كانت دارهم في بلاصة ازولي تخبيت وراء شجرة بعيد الشوية على دارهم قتلني البرد والخوف نبكي على زهري وعلى واش قاعد يصرا فيا وواش راح نشوف كثر من هاك في حياتي كنت نراقب فيه والو مخرجش ستنيت ستنيت بات لثمة الصباح 8 خرج راقبتو حتى باعد على الدار https://hikayattt.blogspot.com



ورجعت نجري لميت دوزاني وهربت يارب راني صغيرة على هاذ لعذاب معشتش نهار مليح في دنيتي هزيت تلفوني ويديا يرعشو عيطت لاختي هزت الو قلتلها الو بصوت يرعش كنت نتما متسمعنيش نتمنى نموت ومنسمعهاش ترفضني توقف بيا الوقت وانا غايصة نخمم






قاتلي صفاء فرحت حتى تلفتلي الهدرة ونسيت واش راح نقول قاتلي وينك يااختي مخليت حتى بلاصة ماحوستش عليك فيها حتى عمومي وسقسيت عندهم قلتلها ايه ولا انا نسيت اذا عندي عموم في دزاير والله نسيت يااختي قاتلي انا ثاني نسيت لو ما سهيل حبيبي فكرني بيهم قلتلها شكونو قاتلي نتلاقاو نحكيلكك كلش قلتلي لازم تجيني الهنا حبيبتي قلتلها والاوراق كيفاه قالتلي ساهل ضرك نتاصلو بصاحب سهيل يخدم في السفارة اللبنانية اريقلك كلش حبيبتي كوبيت ومتصدقوش السعادة الي كنت فيها حتى فرحتي لكبيرة نساتني في امانة يما عائشة نفتحها كلم راجل اختي صاحبو جاني هو و مرتو كانت مرا رايعة هزتني على كفوف الراحة قاتلي والله ماتتحركي من عندي لين يوجدو وراقي اتاوعك كانت ليا الاخت الثانية حكيتلها واش جاز عليا اتحسرت عليا وقاتلي انشاء الله الي جاي انسيك في معاناتك تحضنتني قعدت عندهم مدة حتى وجدو اوراق انتاعي ودعتهم بكات عليا حتى كرهت قاتلي ونستيني ورحتي قلتلها ربي يرزقك بطفل يحلي حياتك وونسك في دنيتك اتجهت انا وياهم للمطار واركب الطيارة لاول مرة تالمو فرحتي باش نلقى اختي نساتني نخلع ههههه


حطت الطيارة في المطار كانت الدنيا ليل عيطت لاختي متهزش ملقيت حد في المطار قلت ابالي المعاناة لحقتني لفرنسا نعرف روحي وجه شر صح جبدت العنوان نتاع دار اختي من الساك وشديت طاكسي مديتلو العنوان وصلني حطني مديتلو حقو ومشيت دخلت الحي كانت الدنيا ظلمة وكالم منعرفش شحال كان الوقت بالذات وانا ماشية سمعت صوت رجال تخبيت خفت نلقى زوج رجال حاكمين واحد بيناتهم يضربو فيه امبعد قتلوه وهزو المحفظة الي في يدو وراحو كان وجه واحد منهم باين ومشاو عيط واحد للاخر عمر هيا وركبو قلت يا هاذو عرب كيفي قعدت مدة فاشلة طايحة عييت نرفد روحي حتى صونا تلفوتي هزيت الو لقيتها اختي قاتلي صفاء وين راكي بديت نبكي قاتلي واش كاين وين راكي نعتلها بلاصتي قاتلي راكي مكش بعيدة 5 دقايق نكون عندك جات روحت معاها للدار










تحضنتها ونبكي بالشهقة وهي ثاني تبكي مافهمت كي شافتني نبكي ولا توحشتني انا تخلطو عليا الوحش والجريمة الي شفت الخلعة والتعب اترميت في حضنها بالاك نخفف من الحمل الي راني هازاتو قعدت وجابتي كاس جي شربتو واتكيت في حجرها ودمعتي مافارقتنيش قاتلي ااه ياختي الصغيرة باين الدنيا عندها ماعملت فيك ضحكت قلتلها المهم راني معاك قاتلي مجاكش سهيل قلتلها لا قاتلي بالاك تخالفتو في الطريق ولا معرفكش خاطر نسا تلفونو في الدار قاتلي نسيت نقولك راجلي سهيل جزايري قلتلها ايه ريحة لبلاد يا اختي ضحكت وقاتلي نموت عليه يا صفاء نموت عليه ضميتها ليا وانا مازلت نرعش قاتلي واش بيك قلتلها وانا جاية عندك متصدقيش واش شفت قاتلي واش شفتي اختي لاه الباب اتفتح قاتلي هاذا باين سهيل راحت تجري عندو حبيبي وين راهي صفاء اتخلع قالها ماجاتش والله مالقيتها عيطت لصاحبي قالي ديمارات لعشية ضحكت قاتلو فوت فوت راهي لداخل فات مد يدو قالها اختك حشامة هزيت راسي ياريتني مهزيتوش وياريتني مشفتوش تصدقو كان هو واحد من الزوج الي دارو الجريمة اترعشت اتنفضت مالقيت ماندير من الخلعة طحت تغاشيت






بداو ارشو عليا في الماء انا فايقة بصح مبغيتش نحل عينيا خايفة من الي يستنا فيا خايفة من الدنيا الي ديما تدي وتجيب فيا خايفة وخايفة عل اختي خايفة نقولها نخسرها ومتصدقنيش خايفة اذا قلتلها نفسدلها فرحتها بالدنيا خايفة من بزاف حوايج سمعت راجلها اقولها حبيبي ندخل ندوش ونخرج ضرك تفيق متتخلعيش بالاك من الستراس نتاع الطيارة ولا العيا برك هو دخل وانا زدت شوي وحليت عينيا ضحكت اختي وحضنتني بقوة وفرحة قلتلها بزربة وريني بيتي قاتلي استناي يخرج سهيل ونتعشاو قلتلها لالا عزيزتي تعبت ندخل نرقد الصباح نحكيو بستها ودخلت كنت متمنية نخبيها في حضني نحميها نهرب بيها بصح الهدرة ساهلة والفعل صعيب دخلت لبيتي متولهتش مامبا اذا مليحة حطيت راسي على لمخدة وانا حايرة قلت في بالؤ هاذ المشكل غلبهم كامل قالهم ارقدو خممت في الف حل كل واحد اصعب من خوه ياربي فرج عليا غير انت الي عالم بلي في بالي عييت اجيني النعاس خايفة من المصير المجهول الي يستناني خايفة نفيق نلقى اختي ماكانش والله ماخممت في روحي خاطر حياتي اصلا معندهاش قيمة اصلا نضت الصباح فتحت لباب بالعقل رحا نحوس على الدوش جيت ندخل لقيتو خارج قالي صباح الخير صفاء قتلو صباح النور وفتت نرعش خرجت لقيت اختي وجدت لفطور قعدت عييت نهز راسي فيه قالها اختك حشامة مهيش زيك ههههه قاتلو هاكامن صغرها ضحك وقال بصحتكم انا نروح للخدمة وانت بيبي قاتلو لالا اليوم جاتني اختي نحب انح منها الوحش قالها اوكي باسها وراح انا تنهدت قلتلها واش يخدم قاتلي طبيب اولاد صغار قلتلها كيفاه هاذا قاتلي واش علاه حايرة قلتلها والو ميبانش حنين قاتلي متعرفيهش راهو مصنع نتاع عاطفة وحنان قلت ياربي الامور ماشية وتصعب عليا اكثر. ..


قاطعتني اختي احكيلي على روحك من لي تفارقنا بديت نحكي وهي تبكي على يما والي داراتو فيا وفي روحها قاتلي لازم نحوسو عليها ونعرفو بلاصتها ويني مهما كان هاذي امنا قادر تكون محتاجتنا ومطايشة










قاتلي اختي لازم نخرجك تشوفي لبلاد وتتحي على قلبك لبست روبة حمراء سانتري وخمار اكحل وصباط اكحل وصاك احمر و خرجنا لحقنا البرة قاتلي اختي ياااا نسيت التلفون نرجع نجيبو ونجي جيت هابطة في لي زيسكالي اتعكلت جيت راح نطيح احكمني واحد من لوور هزيت عيني ياريتني ماهزيتها شاب طويل عينيه مارون يسحرو بقيت نتفرج فيه بلا ما نحس بروحي بلي مرقتها فيقني صوتي قالي باردون جبدت روحي وهو راح مزادش كلمة ادا قلبي وعقلي وكلش وراه قلت واش بيك ياصفاء اول مرة تشوفي راجل هاي فيقي بالاك مراحش تزيدي تشوفيه اصلا فرنسا كبيرة امبعد فقت علاه كان هنا ودار اختي مبحذاها حتى دار اخرى لاه اختي عيطت صفاء واشبيك من قبيل نعيط تلفون والو اطلعي قالي سهيل ضرك نجي انا نهبطكم قلتلها لا بيبتي باغية نمشيو وحدنا قاتلي اوكي نشاورو خرجنا مشينا وراتني بزاف بلايص شابين حوسنا وفرحنا استكثرت الفرحة على روحي حسيتها بزاف علي اول مرة نفرح هاك بغيت نبقى غير انا وياها مبغيتش نرجعو لهاذيك الدار هذاك المجرم خفت ياذي اختي رحنا تغدينا شراتلي بزاف صوالح شابين ورجعنا للدار لقينا راجلها يستنى فينا قال واش ا الشابات روحتو هبطت راسي ودخلت لبيتي جاتني اختي قاتلي واشبيك معجبكش سهيل راهو زعف منك وقالي اذا وجودي مقلقها نروح نريح عند دارنا قلتلها لالا الدار دارو مقلقني ماوالو حشمت منو برك قاتلي هكاك قتلو مبغاش يامن قالي حسيتها خايفة ونظرة كره في وجهها سكتت خرجت اختي قفلت الباب وانا ادخلت ندوش وخرجت لبست بيجامة نتاعي ودخلت في فراشي وسييت نرقد جات تصويرة هاذاك الجون في بالي ابدا قلبي يخبط في الميتين هههه سمعت الدقديق في الباب حسبت اختي قلتلها فوتي حبوبة اتحل الباب هزيت راسي لقيتو سهيل اتخلعت






واش بغيت قتلو وانا مهبطة راسي قالي صفاء نقدر نهدر معاك وانا نرعش تحت الزاورة قالي تقدري تنوضي وتشوفي معايا نضت قعدت على روحي وقتلو تفضل قالي ملي قاتلي اختك بلي راكي جاية فرحت قلت اخيرا راح نلقى واحد من عايلة حبيبتي وكي حكاتلي عليك وعلى الي قاسيتيه اتضريت وغاضني الحال عليك قلت نعوضك ونكون خوك وباباك ومنخليوكش تخصي حاجة مي من لي جيتي حسيتك تكرهيني وماتحبيش تلاقيني طول بغيت نقولك الايام راح تثبتلك بلي راني احسن زوج لاختك واحستن اخ ليك طبست وقتلو انشاء الله مافهمت كيفاه نرد مسحلي على راسي وراح بكيت بحرقة علاه يارب تمتحني امتحان كيما هذا علاه تخيرني انا بالذات باش نشوف هذاك المنظر جات ليا اختي قاتلي وجدي روحك نخرجو نتعشاو لبرة ونسهرو سهيل عرضنا قلتلها لالا غلبت ترجتني ونشوف فيها قريب










تبكي قلتلها معليش 15 دقيقة نوجد روحي ونهبط لبست روبة كحلة وخمار غوز ماكييت شوية ولبست صباط طالو وهزيت بوشات وهبطت لقيتهم يستناو قالي راجل اختي جيتي باهية اختي خموس عليك اليوم اطيرو بيك ههههه هبطت راسي وسكتت اختي كانت مهيش متحجبة لبست روبة حمراء قصيرة ومعرية اختي اصلا بيضاء وباهية ماشي كيفي سمراء فيا غير العينين فمي كبير لاطاي مليح المهم ركبنا طوموبيل واتجهنا للمكان الي راح نسهرو فيه كان مطعم كبير وفخم بالنسبة ليا جامي دخلت بلايص عليهم القيمة اصلا جا لينا واحد قالو تفضل سهيل لاطابل نتاعكم اكيد قللو بالفرنسة متنساوش كنت جامعية نفهم مليح اصلا من صغري نبغي اللغات الاجنبية قصدنا الطابلة قعدنا مع البعض كانو حاطين موسيقى هايلة قالنا سهيل واش تحتاجو دومندات اختي وقالي وانت قتلو عادي اطلبو اي حاجة عادي قالي اوكي بدا يتغزل في اختي قالها جيتي تهبلي وباسها وهي في عالم اخر تنرفزت مبغيتش نبين قلتلهم دقيقة ونولي روحت للتوالات مسحت دموعي سقمت خماري جيت خارجة تلاقيت هاذاك الجون ياااي بصح الصدمة كانت معاه واحدة فشلت وحسيت قلبي اتعصر منعرف علاه وانا مامبا منعرفوش ارجعت لبلاصتي قعدنا شوية وروحنا كنت طريق كامل وانا شاردة في هذاك البوغوص وواش دار فيا






نحيت قشي ودرت دوش ولبست بيجامة ودخلت في بلاصتي جات صورة هاذاك البوقوص في بالي ياربي واش هاذا الاحساس ووعلاه قلقت كي شفت معاه واحدة وانا منعرفوش حتى شفتو زوج مرات فرات يارب رغم المشاكل والمصائب الي راني فيهم متفكراتو ونخمم فيه اداتني عيني نضت عطشانة هبطت للكوزينة نشرب لقيت سهيل هاز تلفون ويهدر بشوي اوقفت شوية حاولت نسمع سمعتو يقولو عندك لا يفيقو بيك قلت اكيد جريمة اخرى راح اديروها من الخلعة دخلت في الكرسي اجرى لقاني انا نرجف في بلاصتي قرب ليا قالي واشبيك انا سهيل متخافيش وانا نرعش ونعيط مافقت بروحي غير السيروم في يدي واختي عند راسي تبكي هزيت كبست عليها بيدي هزت راسها وعيطت اجري سهيل صفاء فاقت وانا من الخلعة عييت حتى نعيط دخل سلم عليا عياو يهدرو معايا هي واختي والو لاخبر جبد الطبيب سهيل قالو نقدر نشوفك برا اداه لبيروه قالو المادمازال جاتها صدمة نفسية فقدتها النطق تلقاو صعوبة كبيرة معاه ربي معاكم انشاء الله تتحسن في اقرب وقت باعدوها على الانفعال والقلقة وانشاء الله خير خرجوني روحوني للدار وانا كي البيبي نضحك وناكل نشوف سهيل خلاص نجمد منزيدش حركة عياو معايا اخرجوني والو لا تحسن اقترح سهيل عل سارا اختي نتعاج عند طبيب نفسي وافقت اداوني قالي الطبيب معرفة وولد بلاد انشاء الله تتحسني معاه دخلنا لعيادة الطبيب كانت معمرة غاشي غير شافتنا السكرتيرة جات






قاتلي صفاء فرحت حتى تلفتلي الهدرة ونسيت واش راح نقول قاتلي وينك يااختي مخليت حتى بلاصة ماحوستش عليك فيها حتى عمومي وسقسيت عندهم قلتلها ايه ولا انا نسيت اذا عندي عموم في دزاير والله نسيت يااختي قاتلي انا ثاني نسيت لو ما سهيل حبيبي فكرني بيهم قلتلها شكونو قاتلي نتلاقاو نحكيلكك كلش قلتلي لازم تجيني الهنا حبيبتي قلتلها والاوراق كيفاه قالتلي ساهل ضرك نتاصلو بصاحب سهيل يخدم في السفارة اللبنانية اريقلك كلش حبيبتي كوبيت ومتصدقوش السعادة الي كنت فيها حتى فرحتي لكبيرة نساتني في امانة يما عائشة نفتحها كلم راجل اختي صاحبو جاني هو و مرتو كانت مرا رايعة هزتني على كفوف الراحة قاتلي والله ماتتحركي من عندي لين يوجدو وراقي اتاوعك كانت ليا الاخت الثانية حكيتلها واش جاز عليا اتحسرت عليا وقاتلي انشاء الله الي جاي انسيك في معاناتك تحضنتني قعدت عندهم مدة حتى وجدو اوراق انتاعي ودعتهم بكات عليا حتى كرهت قاتلي ونستيني ورحتي قلتلها ربي يرزقك بطفل يحلي حياتك وونسك في دنيتك اتجهت انا وياهم للمطار واركب الطيارة لاول مرة تالمو فرحتي باش نلقى اختي نساتني نخلع ههههه


حطت الطيارة في المطار كانت الدنيا ليل عيطت لاختي متهزش ملقيت حد في المطار قلت ابالي المعاناة لحقتني لفرنسا نعرف روحي وجه شر صح جبدت العنوان نتاع دار اختي من الساك وشديت طاكسي مديتلو العنوان وصلني حطني مديتلو حقو ومشيت دخلت الحي كانت الدنيا ظلمة وكالم منعرفش شحال كان الوقت بالذات وانا ماشية سمعت صوت رجال تخبيت خفت نلقى زوج رجال حاكمين واحد بيناتهم يضربو فيه امبعد قتلوه وهزو المحفظة الي في يدو وراحو كان وجه واحد منهم باين ومشاو عيط واحد للاخر عمر هيا وركبو قلت يا هاذو عرب كيفي قعدت مدة فاشلة طايحة عييت نرفد روحي حتى صونا تلفوتي هزيت الو لقيتها اختي قاتلي صفاء وين راكي بديت نبكي قاتلي واش كاين وين راكي نعتلها بلاصتي قاتلي راكي مكش بعيدة 5 دقايق نكون عندك جات روحت معاها للدار












تجري لينا قالت مرحبا بيكم سي سهيل دقيقة برك ندخل نخبر الدكتور علي ونجي دقيقتين خرجت قالتنا يخرج لمريض الي عندو برك تتفضلو


واحد الربع ساعة خرج راجل وامراة دخلنا كنت حاطة راسي في الارض كي النعامة ونلعب بصوابعي سلم عليه سهيل وسارة وقالي مادموزال تقدري تقعدي هزيت عيني واااااو الجون الي طحت فيه لوف ههههه تبسمت معاه وانا قلبي يرقص فرحا قالي سهيل هاذا صديقي علي جزائري الاب والام فرنسية درتلو براسي اوكي وتبسمت حكالو سهيل شويا عليا قالهم تقدرو تتفضلو تخلوها معايا خرجو ورجعو الباب قالي انا نسال وانت اعملي براسك ايه ولا لا هزيت براسي ضحك قالي بداية موفقة فاتو 15


يوم وانا بديت نوالف بيه ونتعلق فيه اكثر واكثر ادمنت صوتو ريحتو كل شيئ فيه رجع هو ونيسي في غربتي لقيت في كلماتو البلسم الشافي لجروحي بديت نرجع لحالتي الطبيعية وبديت نهدر شفت الفرحة في عينيه حسيتو ابادلني الشعور او على الاقل نعجبو او ربما او يشفق عليا منعرف قالي ضرك راكي لاباس وماكيش بحاجة لطبيب نفسي حسيت هدرتو سكينة وغرسها في صدري ضياق عليا النفس وتبدلو ملامحي روحت للدار انا واختي والدنيا ظلامت في عينيا امبعد استجمعت قوتي وقلت اكيد مادام طبيبي نقدر نشوفو في اي وقت تعدات عليا سمانة كانها عام كامل توحشتو وتوحشت كل شيئ فيه واحد النهار خرجو كامل كنت وحدي في الدار سمعت لصونات هبطت في الدروج نجري حليت لقيتو هو وااااو فرحت قريب لا دخت


نسيت بلي اني بلا خمار فرحت قتلو فوت قالي لا البسي واهبطي اني نستنى فيك لتحت نحتاجك اهبطت لبست روبة طويلة في الاكحل مع خمار ازرق وبوشات وصباط كحل وماكييت خفيف واهبطت عندو طلعت في الطوموبيل اداني لبلاصة شابة بحذا لبحر قعدنا وهو بقى ساكت زمان قالي صفاء عندك واحد في حياتك اتخلعت وبقيت جامدة ملقيت مانقول قالي نفهم من سكوتك بلي عندك واحد اسمحيلي وقف ودار للبحر جبدتو من يدو مفهمتش كيفاه درتها هبطت راسي وقتلو براسي لا دار عندي وهبط على رجليه وقالي تكون حبيبتي قتلو ايه ودموعي طاحو من الفرحة جبدني ليه وحضني وقالي منحبش نشوف الدمعة في عينك من لي شفتك وانا تشقلب حالي منرقد لاليل لا نهار النساء كامل نشوف فيهم وجهك قتلو وانا ثاني فرح وزاد حضني ليه فرحت روحني دخلت الدار لقيت اختي وسهيل قاعدين في الصالون شافوني بداو يتبسمو فهمت وحدي بلي حكالهم حشمت طلعت نجري لبيتي دخلت لحقتني اختي قاتلي خيار ماخيرتي راجل وعليه لكلام محبش علاقة في السر قبل ماعيطلك عيط لسهيل وحكالو كلش سهيل فرح وقالي متلاقاش خير منو من لي ماتت مرتو مشاف حتى غي امراة كرههم كامل حط همو اكل في الخدمة حتى كي شافك قلتلها كيفاه ماتت قاتلي قصة كبيرة وهاذي حاجة تخصو خلي هو يحكيهالك سكتت وقعدتلي غصة في قلبي تمنيت كيما هو الاول في حياتي نكون الاولى في حياتو


فقت على روحي قلت المهم شاريني ويحبني كيما كان الحال انا نحبو وفقدت الامل انو يصارحني فوتنا ايامات هايلين حتى اني نسيت جريمة سهيل ورجعت نتعامل معاه عادي الحب يعمل المعجزات أ


طلب يدي رسمي جات امو وباباه واخواتو 2 لبست سواري في الاحمر هايلو وخمار طبعا فاتت السهرة هايلة صح تمنيت تكون امي معايا بصح المهم كسبت عايلة جديدة فرحو بيا بزاف خاصة امو حسيت راني في حلم رائع بايتة ليلة كاملة عييت نرقد من الفرحة لكبيرة الي في قلبي ومانيش عارفة بلي الغد مخبيلي اسوأ ذكرى تقعدلي في حياتي


الصباح بكري جاء حبيبي علي خرجني معاه قالي ندورو شوية نشريو حوايج للعرس خرجنا درنا يوم كامل تعبت قالي نروحو لبلاصة ازولي شوية نريحو ونحكيو مع بعضم


وصلنا كانت بلاصة واسعة مزرعة هايلة جنة فوق الارض كلشي اخضر والورود ودار صغيرة في الوسط و بيسين هايل روعة قالي هنا نعيشو انا وياك حضنتو والغرحة في عينيا دخلنا لداخل ريحنا شوية طيبنا قهوة وخرجنا لبرة ندورو اتكينا على الحشيش وبدينا نحكيو قالي لازم نعقدو السمانة الجاية قتلو اوكي بصح قبل لازم نهبط للبنان اريقل الاوراق نتاعي قالي بعد الي صرالك مستحيل نخليك تهبطي وحدك للبلاد كاش مايصرالك قالي يروح معاك سهيل هاكا نضمان ونكون هاني عيطت لا اراديا قتلو لا كلو الا سهيل هو سباب كلش اتخلع ودار ليا جات في بالو تعدا عليا ولا حاجة قالي نقتلو كيفاه اخمم يقيسك وانت اخت مرتو قتلو لا ماش هكا بصح منقدرش نقولك هزلي راسي وقالي صفاء معندكش ثقة فيا قتلو اصلا معندي حد بلاك انت واختي نضيع قالي احكيلي كلش بالتفصيل ونوعدك نعاونك ونوقف معاك مهما كان المشكل صح سهيل صاحبي وفي مقام خويا بصح انت مرتي ودقة قلبي والي يوجعك يوجعني حكيتلو كلش من البداية حضني ليه ودموعو هابطة قالي متخافيش مدامني معاك حاجة متصرالك نخبيك في عينبا وبربي نعرفو التفاصيل ونعرفو علاه دار هاك طمني وحسسني بالامان لحق الليل قتلو علي تقدر تروحني اختي تتقلق عليا وصلني للدار روحت ملقيت حتى واحد روح دخلت لبيتي نحيت قشي واتكيت في فرشي ونفكر سمعت الباب تحل هبطت نسمع في سهيل يحكي في التلفون سمعت غير كلمة واحدة صفاء لازم تفهم كلش و لازم نشوفلها حل مادام شافتنا متبينلها والو حتى نشوفو كيفاه نتصرفو معاها جمدت في بلاصتي حتى الدمعة جمدت في عيني ياربي واش درت في حياتي حتى يصرالي هاك كي قلت لقيت الحب وضحكتلي الدنيا ظهرلي مجرم وزاد حاب يتخلص مني ياربي وعلاه الي عزاز عليا دايما يطعنوني في ظهري بكري امي وضرك حبيبي هنت عليه للدرجة هاذي وهان عليه الحب






ياربي مخي راح يتحرق بصح يومها سمعتو قالو عمر ولا انا الي نتخيل بكيت على زهري ليلة كاملة وانا نخمم كيفاه راح ننتصرف الصباح نضت بكري رحت رسارفيت في الطيارة نتاع هذاك الغدوة ورجعت للدار واحد مافاق بيا وجدت لفطور هبطت سارا وسهيل فطرو وراحو للخدمة واحد النص ساعة صونا تلفوني هزيت شفت لقيتو علي هزيت عليه قالي اخرجي انا نستنى لبست اية حاجة مانيش فايقة تالمو الستراس والفجعة قريب نموت بصح اتصنعت القوة اهبطت الدروج وانا نرجف من داخل وصلت للطوموبيل ضحكت معاه وطلعنا رحنا لكافي قريبة قعدنا قالي حبي ظاهر عليك نقصتي من الستراس قتلو الصح الراجل مشفت منو والو يعاملني مليح ويخاف عليا وعلى اختي منقدرش الا اني ننسى ونتجاوز الموضوع قالي مليح وتبسم عديت الصباح معاه ووصلني للدار وقالي لعشية نسهرو كيفكيف قتلو داكور طلهت للدار كانو مازال مدخلوش بدلت قشي هزيت فليزتي ولي بابيي نتاعي وتوجهت للمطار خليت ورقة لراجل اختي اكتبتلو فيها اتهلى في اختي انا راجعة للبلاد مقدرتش نعيش هنا قول لعلي يسمحلي وهو عمبالو علاه قررت نباعد طلعت للطيارة وقلبي يعصر راجعة لبلادي الي ماعندي فيها حتى واحد وخليت اغلى زوج عندي في الدنيا سافرت وانا نبكي على زهري ودنيتي الي ماكملتلي حتى فرحة فيها لحقت للمطار هبطت واتجهت لاقرب اوتيل ريزرفيت شمبرة شربت حبة دواء نتاع النوم واتكيت على السرير مافقت الا ثاني يوم ياربي رجعت للعذاب وكيفاه راح نكمل حياتي وكيفاه وكيفاه الف سؤال كان في راسي قلت لازم نكون قوية ونوقف على رجليا ونكمل حياتي عادي معندي منخسر مبقالي اصلا حاجة نخسرها


نضت غسلت وجهي لبست قشي وخرجت ورحت بحذا دارنا وقفت شوية شافتني مولات الدار من الطاقة هبطت فتحت الباب قاتلي موش انت صفاء الي جيتينا من قبل قلتلها ايه قاتلي راهي جات ليا امك ليها شهرين تسال عليك وخلاتلي رقم قاتلي قولياها تكلمني هزيتو وشكرتها ومشيت حفاو رجليا من المشيا بلا هدف بكيت على زهري خزرت في النيميرو قلت نعيطلها امبعد تفكرت واش دارت فيا كحال قلبي و بطلت حليت صاكي حطيتو فيه ومشيت للمقبرة زرب قبر المراة الي حسنت ليا وكانت ليا الام والسند في مجتمع كلو ذئاب اتكيت على قبرها وبكيت شكيلتها همي وفريتلها الفاتحة ااااه ياربي شحالني دابة ونكارة خير كيفاه نسيت نفتح الصندوق الي عطاتهولي جريت للوتال جبدت الصندوق وفتحو لقيت رسالة كتبتهالي ومعاها مجموعة اوراق ومبلغ من المال قريت الرسالة عزيزتي صفاء انت الوحيدة الي وقفتي معايا وكنت ليا البنت الي مولدتهاش حبيت نكافأك ولو شوية على الي عملتيه ووقفتك معايا في مرضي راني كتبتلك نص اللوتيل ليك والنص الباقي لولد خويا الوحيد الي مطمعش فيا وكان اطل عليا بالرغم من بعدو جامي نسيتو راني خليتلك طرف دراهم باه تحاولي اطوري فيه وتحافظي عليه نحبك يابنتي وربي يجيبلك ولد لحلال حطيت لبريا وشهقت ودموعي هابطة علاه ياربي علاه عميتني نفتحو بكري علاه كون هكاك مكانش صرا الي صرا ولا تعلق قلبي بحد علاه ياربي كويتلي قلبي علاه رحت برجليا لمعاناتي والحل كان بين يديا علاه اتكيت في فرشي وريحة علي جامي فارقتني ولا صورتو وصوتو وضحكتو البريئة او الي حسبتها بريئة


ربي يرحمك يما عائشة بزاف عليا منستاهلش الشي هاذا الكل صح راهي احسن من امي الي رماتني غي الحبس وجات تخليلي في الرقم نتاعها مقدرتش نكرهها في النهاية امي وليها فضل عليا


ادخلت الدوش وطلقت الماء عليا لعل النار الي في جسمي تبرد خرجت لبست قشي كانت ال7 نتاع لعشية واستجمعت قوتي وقصدت لوتال طريق كامل نقرا في القرأن خفت لا نلقى اهلها يطردوني ويبهدلوني راني والله فديت من الدنيا الي تظلم فيا وصلت للوتال ويديا يرجفو وعينيا يدمعو من موت يما عائشة مرجعتش دزيت الباب دخلت لقيت شفت مع الاستقبال اتخطفت لقيت نفس الخدامين الي كانو معايا موسى وهارون واقفين يحكيو دخلت قالي هارون بواه نقدر نساعدك مدام تبسمت وخزرت معاه جاء يجري صفاء وين راكي اربي عاش من شافك جاء يجري حتى موسى وعيطو لليندا الي حاكمة خدمة الغرف جاو تلمو عليا ويسقسيو وين راكي سي شوقي 8 اشهر وهو يحوس عليك من بلاصة لبلاصة


قلتلهم شكون شوقي قالولي شريكك ولد خو لالا عائشة قلتلهم وين راهو ضرك قالولي عايش في اليمن ويجي خطرة في شهرين يتفقد الخدمة واريح 10 ايام ويروح اكون بقالو واحد 20 يوم ويجي قلتلهم اوكي نقدر نبدا نخدم قالولي اخاه نتي مولات شي مدموزال قلتلهم رانا كي بعضانا نخدمو بديت الخدمة بنشاط قلت نفرغ طاقتي المكبوتة في الخدمة لعلي ننسى رحت ديراكت للتلفون عيطت لاختي قلتلهم راكي صافا قتلي وين راكي قلتلها المهم راني مليحة متخميش عليا نزيد نعاودلك مرة اخرة قاتلي علي يسقسي عليك كوبيت ديراكت وبديت الخدمة معنديش خدمة معينة بصح مرة في الاستقبال مرة الحسابات الا خدمة الغرف الي مرحتلهاش مخلاتنيش ليندا عداو ايامات وانا نفس الريتم مقدرت نبدل والو في اللوتيل نستنة سي شوقي يشرف ونتفاهمو بالاك ميتقبلش شراكتي منعرف واحدة النهار نضت بكري لبست روبة زرقاء وخمار اكحل كلش ستيل كي العادة ههههه


كنت في الاستقبال نحكي انا وهارون امبعد عيطتلو ليندا مقتلكمش هوما مخطوبين كوبل هايل وين يتكروازاو يخطفو بوسة من بعضاهم حسدتهم صح المهم نرجعو لموضوعنا هارون راح يتمعشق انا شديت بلاصتو اتحل الباب وصلتني واحد الريحة ياماااامي هزيت عيني ياريتني لاهزيتها شاب طول وعرض وعضلات و الزي شينوي بصح يتعشق صح ااااه قلبي الصغير لا يتحمل فيقني من سرحتي قالي مادام انت خدامة جديدة قتلو وي كاش ماتحتاج قالي انا شوقي******مول الاوتيل قتلو متشرفين وانا صفاء قالي متقوليليش صفاء******قتلو نعم قالي والله ازربتي جيتي مادموزال صفاء ولا نقولك مدام قتلو والله ظروف وماكانش في بالي قالي مكانش في بالك واش وليت شريكتي ومولات اللوتيل حسيتو يتمعكس سكتت قالي نقدر نفوت قتلو تفضل قالي خليلي الطريق ههههه نروح نرتاح على روحي


اما راجل مغرور موش كيما حكاتلي عليه يما عائشة ربي يرحمها شحال حنينة وقلبها مليح تشوف الناس اكل ملاح كيفها واقيلا راح نعاني مع هذا شوقي صح ولا واشنو


طلع يرتاح وريحتو قعدت في المكان ادور ههههه لعشية من ذاك النهار هبط يحوس عليا لقاني في البيرو نتاع الحسابات قالي وقيلا بديتي تتمعلمي وتحوسي على الدراهم ههه ذيك الضحكة الصفراء قتلو في واه نقدر نخدمك تفضل قالي نحب نخرجك من اوتيل شحال تحبي وتتنازلي على النص الي تملكيه تماما كيما توقعت قتلو منبيع مانتنازل معنديش المبلغ الكافي باه نخرجك انا قالي قولي معنديش اصلا واش ناكل ههههه خبط الباب وخرج يايما قلتلكم زهري ونعرفو محال تضحكلي الدنيا على بالي راح امررلي معيشتي ويكرهلي كلش صح باهي خير مني وغني بصح ميعطيهش الحق يحتاقر الناس الي تحت منو اما مغرور و معيب صح خرجت لبرا لقيت هارون قالي لعشيا عندنا اجتماع مع سي شوقي قتلو حتى انا شاف فيا نظرة استغراب ههههه قتلو نتمسخر برك


22 في الليل لحق الاجتماع تلميت مع الموظفين كامل ونضحكو ونتمسخرو جا فايت هبط راسو لتحت لحق لوذني قالي اكي تعرفي بلاصتك ودخل دخلنا وراه قعدنا في الكراسا كان يشوف فيا نظرة احتقار وغل اكيد بغا ااكوش على كلش وعمتو تقول غير هو الي مايطمعش فيا مبينلهاش برك قالنا حال لوتال راه ميعجبش ماشي كيما افي بال ناس اخرين راح ندخلو شريك ثالث امول اللوتيل ونطورو فيه جيت نهدر قال ماش اي واحد يهدر وجبد كرسيه وقف وخرج لحقت عليه لبرا قتلو هبلت ادخلنا شريك بلا ما تشاورني كيلني مليح وراح قتلو نقدر انا نمول لوتال ونكبرو دار ليا وقالي على شكون لعبتي مرة اخرى وانا نقول وين كنتي غاطسة غاضني الخال بصح بلعتها وسكتت قلت صفاء الضعيفة ماتت ولازم تخلق واحدة قاوية المشاعر مالازمش تتحكم فيا وهدرة الناس اخر حاجة تهمني ونفكر فيها منةاليوم


دخل لبيرو الحسابات دخلت وراه قتلو دراهم هاذو خلاتهملي عمتك ربي يرحمها هوما من حقي بصح راح نحاول نحققلها حلمها وانت خمم كيما بغيت قالي وزيد من فوق تسرقي ياويييلي منك ياربي واش من شريكة صابني بيها فاتو ايام طورنا شوية في الاوتال وبالمدخول زدنا طورنا اكثر وزدنا حمامات سباحة وملاهي وجاء يوم التدشين لبست روبة سواري في الاحمر طويلة مع الخمار اسود وكانت مفصلة ودرت ماكياج فونصي على الاخر بدات حفلة التدشين هبطت لقيت كل الموظفين لهيه حاضرين رحت قعدت مع ليندا وهارون ابالي فسدت قعدتهم بصح غير هوما الي جاو في طريقي قعدت ندور بعينيا نحوس على شوقي لمحت واقف مع زوج اصحابو امبعد جابهم ليا قالهم نعرفكم على شريكتي صفاء رحبت بيهم واحد منهم اسمو محمد طبيب عيون ماشاء الله طويل واسمر وباهي بزاف سهرة كاملة وهو لاصق فيا عينيك اهبلو عينيك يسحرو عينيك ذوبوني هههه طبعا طبيب عيون في واه راح يهدر وزاد فيا غير العينين مالقا مايشكر ههههه






كنت نشوف في شوقي يشرب ويزيد قلت في قلبي وزاد سكير فوق الغرور نتاعو وفات الحفلة والكل روح محمد عطاني نمروه وقالي تقدري تتصلي وقت ماتحبي وخرج جيت طالعة لفوق لبيتي وقفلي في الطريق قالي واش اللا زدتي لقيتي فريسة جديدة مفوتيش الفرصة جيت فايتة جبدني ليه وقالي مادام تبيعي روحي هاني هنا واش ممليتلكش عينك عطيتو كف وهربت قفلت الباب وهو قعد يخبط ويعاود جاء ليه هارون وموسى هزوه لبيتو وهو يعيط ويسب فيا وانا نبكي رحت نجري فتحت لقجر شربت زوج حبات دوا ورقدت نضت راسي ثقيل وعينيا عييت نفتحهم حليتهم لقيت ليندا بحذايا قاتلي يابنتي واش بيك من البارح في الليل راقدة وضرك راهي 5 نتاع لعشية سي شوقي اتخلع عليك امبعد كي لقا اباطة الدواء عرف بلي راقدة برك ضحكت بقهرة شوقي يخمم ويتخلع بركاي من الخرطي دخلت دوشت واهبطت ناكل https://hikayattt.blogspot.com حاجة قتلني الشر لقيتو لتحت قالي نقدر نحكي معاك قتلو علاه قفلتلك فمك قالي اسف خزرت فيه مستغربة قالي والله منيش امالف نشرب مكنتش فايق بروحي قتلو معليش صار خير واحنا نحكيو طب يدخل طبيب العيون ههههه صفاء لباس وجهك اصفر غير الخير قالو شوقي انت طبيب عيون واش راحلك في وجهها ضحك وجا قعد بحذايا قالي انا ثاني جيعان ناكل ومنو نونسك شوقي حسيتو الغاز طلعلو للراس خبط الباب وخرج وبعثلي ليندا تقعد معانا هههههه






فاتو ايامات ومعاملة شوقي ليا تبدلت وطبيب العيون محمد مازال لاصق كي العادة وصارحني باعجابو قتلو مرتبطة صح مازال قلبي متعلق بعلي اول حب واول حضن واول قبلة كيفاه نقدر ننساه محال الي علمني معنى الحب نقدر نبيعو صح اتخدعت فيه بصح معمبليش علاه مجرد فكرة الارتباط بواحد تحسسني بالخيانة بالرغم من الشي الي نعرفو عليه بصح حبو ليا حسيتو صح من قلبو .في الليل كنت راقدة نسمع في الحس فتحت الباب نلقاه شوقي سكران جا لبيتي ويعيط علاه صفاء مقلتليش مرتبطة اكيد محمد قالو علاه خليتيني نتعلق بيك علاه كل مانحاول نكرهك نزيد نحبك اكثر واكثر دخلتو لبيتو نحيتلو صباطو غطيتو وقعد نلعب بشعرو حتان رقد قعدت نخزر معاه عقلي يقولي اعطيه فرصة ليه وليك وانساي لي فات وقلبي يقولي قلبك قفلت عليه ومفتاحو مع علي وحدو رقدت قاعدة نضت الصباح ملقيتوش خرجت سقسيت عليه قالولي سافر وقالك لوتال امانة عندك غاضني الحال كي مودعنيش علاه مكتوبلي ديما منودع حتى واحد هبطت دمعة بالاك شفقة وبالاك حاجة اخرى منعرف فاتو ايامات وانا نخدم برك وقررت انحي دوا النوم ونرقد عادي سوفريت الايام الاولين امبعد عادي والفت الايام تمضي متشابهة فاتو 4 اشهر وافتقادي لشوقي يزيد الصباح جيت هابطة لقيتو واقف في الاستقبال اجريت ليه لا اراديا وتحضنتو بقوة قتلو توحشتك قالي انا ثاني باسني بوسة قوية دخلتني عالم اخر فقت بالشي الي درت جريت لبيتي ونبكي بقوة لحق عليا طبطب وادخل قالي نقدري نحكي اسكت قالي صفاء نحبك والله نحبك قبل حتى مانشوفك من حكايات عمتي عليك تعلقت بيك هي وصاتني عليك قبل ماتموت وقاتلي راهي حكاتلي حكايتك كاملة وكتبت نص لوتيل ليك باه تقربنا من بعضنا بصح انت كي لبهيمة هربتي ضربتو على كتفو وحضني قالي بصح محكيتيليش وين كنتي حكيتلو كلش غضتو قالي تحبيه قتلو براسي ايه حسيتو غاضو الحال قال تمنيت نكون اول واحد جا في بالو كي عايشة في فرنسا صرا بيناتنا كلش عقلو خامج صح قالي جبتلك خبر منعرف يعجبك ولا لا قتلو قول قالي لقيتلك امك عمتي كلفتني بالمهمة وانا وعدتها قتلو متهمنيش قالي راهي مظلومة يومها هربت تحسب مراحش اهزوك كي يلقاوك وحدك كي شافتهم هزوك اجرات وراك دخلت فيها طوموبيل كانت في السبيطار و واحد من هاذوك الي يجيو استغل الفرصة جاب معاه واحدة على اساس هي باع الدار بعد ماهز الوثائق من داركم وخلالك حوايجك باه تتاكدي بلي تخلات عليك وما تنشنشيش بزاف وراه طاحو دموعي وطحت في الارض ضربة وراء ضربة والله بزاف كنت ظالمتها قالي صح بصح راهي تخلص في الحياة لي عيشتكم فيها قتلوعلاه قلت هاك وين راهي






قالي راهي في الجزائر في داركم قتلو تعرف العنوان قالي ايه قالي عايشة مع جدك وجداتك سبحان مغير الاحوال شحال حاولوها متسافرش بينا سافرت ورباتنا بعاد عليهم وضرك راحتلهم قتلو تقدر تديني قالي ايه ريزارفينا واتجهنا الى ارض الاجداد الي نعرفها غير في التلفزيون وتصاورنا مع بابا وصلنا للجزائر قتلو نرتاحو في اوتيل وغدوة نروحو بغيت نحضر روحي نفسيا للقاء احكم كل واحد شمبرة اخرجنا تعشينا ورحنا رقدنا الصباح نضنا بكري وتوجهنا لدار جدي الي يسكنو في الدوار قربنا للدار كانت فيرما كبيرة فكرتني فالي اداني ليها علي طاحتلي دمعة اصلا انا بكاية مهما تصنعت القوة دموعي ديما يخونوني حكملي يدي يحسب نبكي من وحشي لامي ههههه مسكين دخلنا للفيرما


لقانا واحد قالنا تفضلو فتنا كانت دار واسعة بزاف والي لاحظتو شمبرات بزاف دخلنا هذاك الراجل وقال استناو هنا هبطو عمومي وولادهم وعمتي عرفوني عليهم فرحو بيا وزادت جات جدة وجدي وامي تحضنتهم ونبكي امي تبكي وتقول سامحيني بنتي اظلمت انت واختك وخاصة انت اختك على الاقل لقات الي سترها وكملت قرايتها وخدامة اما انت ضيعتلكي حياتك بستها وقلتلها احنا ولاد اليوم


ضحكت وعنقتني ريحنا لثمة شهر واخطبني شوقي من اهلي وقبلو وانا ثاني وافقت درنا خطبة رائعة وفوتنا ايامات هايلين سافر للبنان وجدي وجداتي كبشو فيا قالولي كي تزوجو وروحي معاه عقلية جزايرية يا محاينك فاتو 6 اشهر وشوقي يقعد في لبنان شهر واجي سمانة يقعد معايا قرب العرس قاتلي امي واهلي نعيطو لاختك تحضر ونتعرفو على راجلها في الاول خفت امبعد قلت مادام صاين اختي ميهمنيش انا ضرك عندي الي يدافع عليا ويحميني من كلش فاتت سمانة ووصلت اختي وسهيل كنت نتهرب نشوفهم باش ميجبدولي حتى موضوع كنت نهرب من المواجهة واحد الليلة كنت راقدة طبطب الباب قلت فوت دخلت اختي وراجلها كان بقى لعرسي يومين قالولي بغينا نحكيو معاك قلتلهم اذا على علي صفحة واطويتها قالي سهيل باه يبدا الواحد من جديد لازم يسكر كل الي فات قتلو تفضل بدا يحكيلي هو واختي افهمت بلي سهيل كانت عندو اختو صغيرة 18 سنة هوما من عائلة غنية جدا قبل مايموت باباهم خلالهم ثروة كبيرة بينو هو اختو كان الكل طامع فيها حبت واحد وجا خطبها كي سقسا عليه سهيل لقاه اسكرو وعندو سوابق حاول افهمها سكتت جا علي خطبها وافق خوها بالطبيعة خاطر صديق عمرو وتفاهم هو وياه امدلو اختو ازوجو وجامي طمع في مالها خلاها تقرا واحد النهار راح اروحها من الجامعة لقاها مع هاذاك الي خطبها قاتلو عادي صديق فهمها والو حتى جا النهار الي روح من الخدمة لقاها في حضنو هربت وراحت تعيش مع هاذا صاحبها راح حاول معاها سهيل والو دارتلو وكالة لكل املاكها وهزت منو الكرش اداها فرصي للطبيب وهبطهولها وماتت على الطابلة وهرب خلاها دارو خوها وراجلها في وخرج براءة جن جنونهم والي زاد هبل علي انو مرتو اطلقت وادات نص املاكو الي زاد استولى عليهم هذاك الكريمنال






وجا وقت النتقام الي شفتيه ولوكان كنت هدرتيلي يااختي لوكان حكيتلك كلش كيما انا اعذرت سهيل كان لازم تعطي علي فرصة


قلتلكم محال نشوف الفرح قلتو لالا هههههه


بكيت على زهري وندبت وخبطت وحضنتني اختي قلتلها بغيت نريزارفي نسافر لعلي نطلب منو السماح قاتلي راهو هنا جا يشوفك مدتلي العنوان خرجت نجري كي المجنونة لاقاني شوقي قالي واشبيك قتلو بغيت نكون وحدي طفيتو وفتت مشفتش حتى لوجهو الي همني اللحظة هاذيك علي حبي الاول هزيت طاكسي ووريتلو العنوان وصلني لواحد لوتال اهبطت سقسيت ورولي شمبرة نتاعو طبطبطت فتحلي اتلحت عليه وعنقتو وبستو من كل بلاصة وحش سنين راهو حطتني في حجرو ويبكي واخيرا لقيتك صفاء علاه عذبتيني علاه هربتي كنت راح نحكيلك كلش في الوقت المناسب علاه قتلو اشششسش وسكتتو ببوسة طويلة شفتو دموعو هابطين من عينيه شلال قلت بالاك الشوق غطسنا في البوس والاحضان مفقنا الا بتلفوني صونا هزيت قاتلي صفاء ارجعي الفيرمة مقلوبة عليك وشوقي راهو تجن قلتلها الله اسهل كوبيت وقلت يقلبو حتى دزاير كامل ميهمنيش فيهم قالي صفاء روحي مديريش مشكل لروحك قتلو مشكل وانت معايا كنت تقولي مدامك معايا واحد ميقدملك هبط راسو قالي غدوة نحكيو قتلو اوكي خرجت لحقت لبرة لحق عليا يجري عيطلي صفاء وجرا ليا حضني بقوة قريب كسرني حسيتو يودع فيا بستو بوسة خفيفة مشيت قالي نحبك وجامي حبيت واحدة كيما انت وعاذرك اي واحدة في بلاصتك تتصرف نفس التصرف رجعت نجري زدت حضنتو وقعدت هكاك حتى صونا تلفونو قالو ايه اهي جاية قالي سهيل روحي قتلو اوكي اطلبلي طاكسي رحت حبست بعيد شوية على الدار مشيت شوية جا شوقي المسكين يجري صفاء لاباس عمري نعيط متهزيش قتلو قلقت شوية قلت نخرج شوية يتنحى عليا قاليخلعتينا الدنيا مقلوبة عليك وانت تقولي قلقت مرديتش عليه لحق ودخلت انا واياه للدار تلمو عليا يسقسيو قلتلهم نطلع نرقد الصباح نحكيو رحت لشمبرتي دخلت لحق عليا شوقي قالي عمري غدوة راح يوصلو دارنا من اليمن باه يحضرو العرس قتلو شوقي معليش تقعد نحكي معاك جيت نحكي دخلت اختي تجري قاتلو نحتاج صفاء نحكي معاها موضوع ضروري قلتلها يتاجل سارا حبيت نحكي مع شوقي قالي معليش امبعد نرجع قلقت منها قلتلها واش بغيتي الالا


قاتلي اقعدي اساع انتي مخليتيناش انا وسهيل نكملولك خرجتي تجري اكيد محكالكش علي قلتلها محكينا والو قاتلي متقوليليش خنتي راجلك قلتلها موش راجلي قاتلي سلمتي روحك قلتلها موش للدرجة هاذي اتنهدت خلعتني قلتلها علاه خفتي وعلاه تخممي على راجلي ياك تعرف علي محال يسلم فيا قاتلي علي بعد ما رحتي اهبط للبنان مخلا وين حوس ملقاكش https://hikayattt.blogspot.com

مبعد رجع اهبط لدزاير يحوس قال صفاء قاتلي امنيتي نروح لدزاير اكيد راحت اهبط حوس عليك حتى كره راح لدار عمو قعد عندهم اتضربت فيه بنت عمو حباتو حاول تستغل حبو لصفاء باه توصل ليه كان كل يوم يحوس وفي الليل يبات يسكر واحد النهار روح سكران لقاها في بيتو غرق معاها في الحرام وهي بنت 16 هرب لفرنسا بعد شهرين عيطلو عمو يبكي ويترجى فيه يستر على بنتو الي بالحمل وبحكم علي وتعرفيه مستحيل يتخلى على مسؤولياتو هبط لدزاير ازوج بنت عمو وامبعد جابها معاه وولدت توام طفلة وطفل علي وصفاء بكيت وبكيت انا الي خليتو لغيري انا الي مفهمتوش انا محاولتش نسمعو قفلتةعلى روحي الباب ليلة كاملة نبكي عينيا تنفخو نسيت شوقي ونسيت عرسي ونسيت روحي غدوة من ذاك وصلو اماليه مقدرتش نهبط واختي تحاول فيا واش ذنب شوقي متلقايش راجل كيفو تخليه تندمي قلتلها نصارحو قاتلي انت بهيمة اي راجل مهما حب تلحق لكرامتو يعفس ويفوت تقوليلو تخليت عليك وكي لقيتو ازوج رجعتلك قلتلها نبدا حياتي معاه بكذبة قاتلي ايه كذبة ولايروح ويخليك مسحت دموعي وعينيا منفخين مكياتلي اختي ولبستني روبة باهية كحلة ميدي قاتلي ياك مكانش الرجال نحي على شعرك جبدتلي شعري هبطت لقيت عجوزتي وزوج بتاتها باهيين واحدة طول تشبه لخوها زين وعين رحبت بيهم قاللي تباني مريضة قلتلهم الدورة وقتها تعمل فيا لعجب خلي نكذب هاكا بغات سرسورة27 مبعد رجع اهبط لدزاير يحوس قال صفاء قاتلي امنيتي نروح لدزاير اكيد راحت اهبط حوس عليك حتى كره راح لدار عمو قعد عندهم اتضربت فيه بنت عمو حباتو حاول تستغل حبو لصفاء باه توصل ليه كان كل يوم يحوس وفي الليل يبات يسكر واحد النهار روح سكران لقاها في بيتو غرق معاها في الحرام وهي بنت 16 هرب لفرنسا بعد شهرين عيطلو عمو يبكي ويترجى فيه يستر على بنتو الي بالحمل وبحكم علي وتعرفيه مستحيل يتخلى على مسؤولياتو هبط لدزاير ازوج بنت عمو وامبعد جابها معاه وولدت توام طفلة وطفل علي وصفاء بكيت وبكيت انا الي خليتو لغيري انا الي مفهمتوش انا محاولتش نسمعو قفلتةعلى روحي الباب ليلة كاملة نبكي عينيا تنفخو نسيت شوقي ونسيت عرسي ونسيت روحي غدوة من ذاك وصلو اماليه مقدرتش نهبط واختي تحاول فيا واش ذنب شوقي متلقايش راجل كيفو تخليه تندمي قلتلها نصارحو قاتلي انت بهيمة اي راجل مهما حب تلحق لكرامتو يعفس ويفوت تقوليلو تخليت عليك وكي لقيتو ازوج رجعتلك قلتلها نبدا حياتي معاه بكذبة قاتلي ايه كذبة ولايروح ويخليك مسحت دموعي وعينيا منفخين مكياتلي اختي ولبستني روبة باهية كحلة ميدي قاتلي ياك مكانش الرجال نحي على شعرك جبدتلي شعري هبطت لقيت عجوزتي وزوج بتاتها باهيين واحدة طول تشبه لخوها زين وعين رحبت بيهم قاللي تباني مريضة قلتلهم الدورة وقتها تعمل فيا لعجب خلي نكذب هاكا بغات سرسورة


وفجاة يدخل زوج المستقبل شافني بقى باهت اقعد بحذايا قالي وين خبيتي هاذ لاطاي عليا قريب ناكلك هبطت راسي وسكتت جبدت عجوزتي خاتم من العصور الغابرة ههههه نتاع ناناها ولا امها منعرف لبستهولي وزغردت قاتلي هاذا ميتنحاش من يدك حتى تزوج بنتك لا ابنك الاول تمديهولي قلتلها معليش مارسي ضحكت قالت وحشامة ثاني واش نن حشمة راني نخبي في وجهي لايفضحني شوية هاكا يدخلو زوج ولاد عمي واحد جا قعد بحذايا قالي هاذي بنت عمي معرفتكش محسبتكش مرة ههههههه خزرت لشوقي لقيتو يغلي قالي اوقفي نطلعو نحتاجك طلعنا قفل الباب وبدا يبهدل فيا كيفاه تلبسي هاك ومن وكتاه وزيد واشبيك ضحكة والو سيفت عليك اذا مبغيتيش نهز دارنا ونروح حضنتو وبكيت وانا الي كنت نقول نصارحو صح بهيمة قالي عمبالي الي فات عليك مش قليل بصح نوعدك نعوضك الي فات ونكون ليك كلش في حياتك الاب الاخ الزوج الحبيب خرج فاتو يومين نحضرو فيهم للعرس ااتبرونزيت من الشمس من بكري سمرا رحت للحفافة ماكييت ولبست الروبة درنا العرس في الفيرما جدي قال لاصال مندخلهاش التخلاط حرام وانا حاج مش فلوسة كيفك تفسدلي حجتي ههههههه راجلي متفهم قال المهم نزوجو وفرات فات اليوم مليح مش عرس اسطوري ههههه بصح مليح جيت باهية واخواتاتو واحدة منهم اتضربت في ولد عمي معمبالهاش بالجحيم وبلي لازم تعيش في الفرمة جدي والو واحد مايخرج من الفيرما من سلالتو قال ميربحوش هههههه على هاذ عشت انا مغامرات سندباد الحاصول لحق الليل ولحق الستراس ياشومي رحنا للوتيل درقة على جدي طبعا دخلنا لشمبرة باسني من جبهتي قتلو ندخل نبدل دخلت بدلت قلت زوجي مهما كان عندو حق فيا نعرف ربي والشرع توضينا صلينا مع بعض امبعد لبست نويزات حمرا بالدونتال بيض ودرت بارفان ماكياج لا شفتو ميحبوش كريمات مرطبة برك خرجتلو شافني هز راسو واتلاح ابوس واحضن متستناوش نحكي اكثر اسرار ياحبيباتي المهم تبينلو بلي هو اول راجل في حياتي مات بالفرحة حاولت نتناسى علي كل ميقربلي شوقي نشوف فيه صورة علي مع الايام بديت نتعلق براجلي خاطر حنين وفحل وديما واقف معايا كملت قرايتي بعد ماسافرنا للبنان وراني استاذة انجليزية مخلانيش نخدم في لوتال بطبيعتو غيار وميحبش نشوف الرجال بزاف ضرك تعداو 10 سنين زواج نعشق راجلي نموت عليه عندي 3 اولاد وطفلة جبتهم واحد على واحظ باه نضمن راجلي هههههههه ساعات نسافر لاختي عندها زوج بنات علي نسمع بلي لاباس عليه وفرات امي حكم عليها بالسجن المؤبد في فيرما نتاع جدي. اذا عجباتك لحكايه عاونينا و كليكي على هذ الاعلان علا خاطر هوا لي يعاونا نكملو خدمتنا هنا و يشجعنا نحطو بزااف كرونيك جدد





النهاية

رابط تحميل الحكايه PDF يتاح قريبا