ندى و زين DZ

كرونيك ندى و زين

للكاتبه :Emi _Riel

الملخص :الحكايه باللهجة الجزائرية  تحكي عن ندى فتاة جزائرية سمينه لا تهتم بشكلها ولا دراستها و مكروهة نوعا ما من عائلتها تقرر ان تتغير ثم تلتقي بزين في احد الاعراس زواجهما لن يكون مثل أي زواج تابعو لتعرفو

 
 

تحميل الحكايه لقرائتها على الهاتف

انا ندى . في عمري 17سنة ، عينيا كبار عسليين ، شعري ماغون على العام و انا دايرتله طوماطيشة ، نمشطو غير ف العيد . المهم جاية قصيرة وسمينة ، عندي الدوارة شغول وحدا ح تولد ... دبة ???? بون نقرا 1 ليسي مرودوبليا عام .. عايشة مع يما و بابا و جداتي و ختي الصغيرة ملاك ، خخ ملاك ف الاسم فقط اما هيا شيطان على هيئة انسان في عمرها 14سنة . و عندي خويا كبير 26سنة محمد . مزوج بواحد الزرزومية شنحكيلكم شنخليلكم . كي رحنا نخطبوها واش من حلوى و ش من قاطو . عاقلة و حشمانة م قالت كلمة حتى حسبناها متهدرش ???? و كي جبناها ?? هي ميترة و نص و لسانها زوج ميترات .. تعرف غير تاكل و ترقد ، و خويا توتو ديالها ???? .. اما جداتي فهي الاسوء منحكيلكمش بزااااف ندخلو ف الحكاية احسن ...
ح 1
ّكلعادة قبل م نروح لليسي نضت نطيب القهوة لجداتي ع الستة تاع الصباح .. هيا متخدمش و تنوض بكري باش تقعد تدور و تفيرفي لادوان .
جداتي : حطيتيلها حبة سكر .
انا : وي .
جداتي : احكي عربية واش هادي وي ديالك.
انا : ايه حطيتلها سكر .
جداتي : و باباك وين راه.
انا : راح للخدمة ..
جداتي : علاه ديك يسموها خدمة ??
انا : ليسمع يقول قرا ??
جداتي : شفنا يماك كي قرات واش دارت .
انا : واش دارت .
ملاك : صباح الخير تيتا .
جداتي : صباح النور ي الزينة تاعي ، ندى روحي اهبطي للحانوت جيبي ل ملاك قاطو باه تشرب حليبها .
انا : تروح تشري هيا ، انا مشي خدامة ديالها .
و نضت روحت لبيتي لبست سروال و ليكات و رفدت كورطابي و رحت نقرا . ك العادة الشيخ يشرح و انا نخزر ف ياسين . ياسين جاي روجي عينيه خضورا جاي طويل و يهبل البنات قاع دايرين عليه هو صح صغير عليا بعام مي انا نحبو ياك يقولو الحب ميعرفش العمر ، المهم قاعدة نخزر حتى تجيني طلاسة (لي يمسحو بيها الطابلو) من حيث لا ادري .
الشيخ : الدرس راه هنا مشي ف وج ياسين ..
انا وليت حمرااا و الكلاسة قاع يضحكو و يستهزاو و بداو يقولو ،، اهاه يا ياسين راك داير السوكسي نطنطق واحد وقال: حتى الدببة ولاو يعشقو فيك و بداو يضحكو . انا تنرفزت و درت ليه ،، انا : شتقصد بالدببة ؟
هو : راني عليك يا خالتي ????
انا : دوك نجي نكرفسك .
هو : علاه تشوفي فيا ورقة ????
الشيخ : ندىىى براااااا .
انا : علاه ??
الشيخ : قتلك برا
. المهم خرجت للساحة كانت 9 ونصف باسكو كان عندنا زوج سوايع مع هاد الشيخ ، ايه ستنيت حتى صونات تاع الساحة شفت ياسين مع وحدا تقرا معانا جايا رقيقة كي الحطبة منعرف واش عجبو فيها ، المهم انا تغزلت ، شافني صاحب ياسين راح قالو جا عندي ياسين و موراه مدامتو انا قلت كشما ح يعترفلي بحبو سوغ مي مشكيتش باغسكو راه جاي مع الحية ، المهم درت روحي مشفتوش ،، ياسين:ندى ،، انا قلبي بدا يخبط ،، انا :ن—نعم ،، ياسين : شوفي متزيديش تخزري فيا و ديريلي سمير ف كلاسة راكي كبيرة عليا يا وسمك+ شوفي روحك و شوفي مدامتي ،، اكيد محاش نخلي الزلة ديالي و نجي لوحدا قد البقرة .. انا: اي اي اعرف واش راك تهدر ، ديجا شكون قالك بلي كنت نخزر فيك ، كنت غايسة برك بففف جاي تهدر عليا شغول نتا مهند ، خي دري يخي ..ياسين : دوك كشما نقولك ..انا: دوك نخبطك تشوف النجوم يدورو بيك ... مدامتو : ياسين خطيك منها ناقصة في عقلها مسكينة ... انا ناقصة في عقلي و رحت ليها و جبدتها من شعرها و قتلتها خاباطوس حتى جا المدير و المراقبين و الاساتدة تجمعو و بداو يسلكوا ،، مسكينة شعرها قاع جا في يدي بلا ما ننساو الختم لي درتهولها في وجها نحيتلها قوجا مورسو من خدها و خبشتها خرجت فيها قاع زعافي .. و هي تبكي و تعيط ،، و تغاشات داوها لسبيطار و انا ف المقابل عيطو لبابا و حكاولو و قالولو بنتك نديرولها كونساي ديسبلين على تعاملاتها الشرسة مع التلاميد بابا تبهدل داني لدار وقال ليما يما تبعتني لبيتيو عطاتلي كف خماسي ماما : بعتناك تقراي مش تخبشي البنات ،، انا:اووف يما هيا قلقتني . ماما : ولي يقلقك تخبشيه وليتي قطة هنا ،، انا : اففف خلاص جعت واش طيبتي ؟؟ ماما : طيبت فارة محشية ،، الكرش لي عندك و تزيدي تحوصي على الماكلة.. انا : و مناكلش نموت للشر ???? .. يما : كاين عدس تاع لبارح سخنيه .. انا : شبعتونا عدس شغول مكانش ماكلة .
كليت و رحت شفت شوية تلفزيون حتى تجي لعندي جداتي نحاتلي التليكوموند و قاتلي نحي عليا هاد الخماج ديريلي سميرة تي في ،، انا : روحي شوفي ف بيت ملاك . جداتي : ملاك راهي تقرا مشي كيما نتي . و ديجا متساليليش وين نشوف و روحي عاوني المعوجة تاع يماك ديرو عشا مسقم كي الناس بنتي فاطيمة وولادها راهم جايين يجوزو لي فاكونس ،، انا: علاه دارنا اوتيل شيراطون واقيل ؟؟ جداتي : لسانك طوال يا واحد المكسارة .. ماما : ندى ارواحي عاونيني ،، روحت للكوزينة بديت نقشر ف الخضرا . انا : علاش يجو معندهمش دار .. ماما: انا لي سمعت عمتك طلقت مع راجلها و معندهاش وين تقعد راهي جاية تعيش عندنا .... انا: لاه ولين ملجأ هنايا و لا جمعية خيرية ،، وزيد وين نحطوهم ؟؟، ماما : باباك قالي نمدولهم بيت ملاك .. و ملاك ترقد معاك .. انا : هادي مليحة لالا كون زدتو مديتولهم بيتي و انا ملاك نرقدو ف لكولواغ ..ماما:اهدري مع باباك . تعرفيه يموت علي يماه و ختو فاطيمة ..انا : اوووف ... المهم طيبنا العشا . جات عمتي مع بنتها منال قدي مي تقرا دوزيام .. ووليدها عادل قد ملاك .. رحبو بيهم اما انا فقعدت نخزر فيهم بنص عين و نضحك ضحكة صفرا ،، تعشينا و قعدوا يقصروا .. ماما : ندى روحي غسلي لماعن .. جداتي : ومتنسايش طيبيلنا لاتاي .. فاطيمة : منال روحي عاوني ندى .. جداتي : لالا خليها الطفلة باينة عيات من الفواياج .. انا تقلقت. رفدت لماعن و غسلتهم و رحت رقدت و خليتهم يستناو ف لاتاي مدغغغي يشربو الرهج .. دخلت ملاك وشعلت التليفزيون . انا : طفي جدها خليني نرقد . ملاك : تيتا راها تستنا ف لاتاي روحي طيبيه خير ما تجي يما تعطيك كف . انا : طيبيه نتي . ايه حقا نسيت لابرينساس ملاك متديري والو .. ملاك : ايواه شفتي كي تفهمي . و دوكا روحي طيبي و جيبي كاس معاك و متنسايش الكاوكاو و البيسطاش ... انا : نجيبلك
رحت طيبتلهم لاتاي و حطيتلهم حسيت روحي خدامة تبا !# وليت لبيتي لقيت ملاك راقدة و ال tv مشعول .. انا : والله هادي ماينتا المادموزال راقدة و مخلية التلفزيون شاعل للجنون باش يتفرجو .. طفيتو و رحت رقدت نضت روطار ،، رحت نجري لبست و رحت للمسيد ، دخلت للكلاسة ،، الشيخة تاع المات كانت تقري ،، خزرت فيا و انا مقيمتهاش دخلت قعدت مع اللخر قدام التاقة جبدت لاتغوس فتحت لكراس و جبدت تشيواوا من جيبي و بديت ناكول ،، و نرمي من التاقة . الشيخا : واش ندى واقيل خلاصلك الباكي ..نجيبلك وحداخور .. انا : لالا مزال فيه .. الشيخا : نوضي ارمي عليا هاد الزبل و اغلقي التاقة ،، انا : وعلاش شريتهوم بدراهمك ؟ و ديجا منغلقش التاقة حبيتيني نموت بالسخانة .. الشيخا : قليلة ادب ،، لعشيا نسحق باباك ف الادارة راكي تسمعي .. انا : بابا ماشي خدام عندك باش يجي مقتاش تحبي .. الشيخا : اواه تلميد روح عيط للمراقب العام .. انا : عيطو للامن احسن .. المهم جا المراقب العام و عيط لبابا ف تلفون و هدر معاه .. و بعد المناقشات الي داروها يما و بابا و تراستها جدتي الشريرة قررو بفصلي عن الدراسة طبعا انا دورتها بكا و متقبلتش الفكرة خصوصا كي جداتي تغزلني بمنال الي تعرف تقرا و شاطرة و الخطابة عليها كي الدود .. المهم قالي بابا نخلوك تكملي العام ادا باسيتي تكملي قرايتك و ادا رودبليتي تخرجي من المسيد .. انا : يتسما خارجة خارجة من لمسيد خاطرش ف الفصول جبت 8.00 و 7.40 و انا منيش قارية باش نجيب 16 ،، الوغ خلاص قررت نحبس قرايتي و نقعد ف الدار نستنى مكتوبي . كنت قاعدة حتى تجي جداتي .. جداتي : روحي سيقي الدار غدوا راهم جايين خطابة .. انا فرحت و قلتلها راهم جايين يخطبوني ???? جداتي: علا كاش خاجة تعجب فيك باش يجو يخطبوك ، راهم جايين يخطبو منال . انا : ايه يمال تنوض تسيق هيا .. جداتي : منال مكاشها راحت تشري حوايج لغدوا .. انا : قوليلها متفرحش بزااف و بلاك متعجبهمش و هكا .. جداتي : تعجبيهم نتي بهاد الدوارة لي عندك .ايا روحي اخدمي شغول ما تفيدي لوالو .... انا في قلبي ان شاء الله ياربي متعجبهومش و متتخطبش حتى نتزوج انا
روحت سيقت و دخلت لبيتي درت فيها تدويشة . جات منال و يماها من السوق ..شراو بزاااف حوايج تقول شراو لمارشي قاع ... انا : ايه كاين الدراهم ياه .. فاطيمة : سلامت راس خويا لي عطالي دراهم باش نشري روبا لمنال .. انا : قالك اشري روبا ماشي لمارشي .. يما : احم احم .. انا : شبيك تسعلي يما .. يما ???????? انا ?????? .. نضت لبيتي مجري باغسكو علابالي كون نزيد كلمة تجيني لبليغة للراس . ايه انا غير دخلت للبيت لقيت ملاك تهدر ف التليفون . ملاك: ايه مام انا توحشتك عمري .. انا شديت البليغة و هي صفارة و قاتلو باي باي و كوبات .. انا روحت نحيتلها التليفون و فقريت مكتوب زوجي و سحبتها من شعرها .. انا : ايه شكون هدا زوجك .. كبرتي ووليتي تهدري ف التليفونات . ملاك : اه سمحيلي سمحيلي بلاكي تقولي لبابا .. انا : دوك تعطيني لابيس و تيليفونك وواش نقولك تقوليلي حاضر .. و هاد السيد نزيد نشوفك تدوري بيه نقطعك طراف طراف و نبيع لبابا . ملاك : حاضر و عطاتلي تيليفونها بديت نقلب لي ميساج غير الحب و الغرام ..استغفر الله من هاد الجيل المهم جا غدوا و جاو الخطابة باينين عليهم جاو من البلاد مددددغيي .. العريس م يشبه لوالو و يماه باينة بلي صحبت جداتي . في عوض يهدرو على الخطبة بداو يقصرو و العريس طاح على الباتيسري و منال تقلقت و يماها قعدت تسكت و انا قعدت نضحك . شافتني يما قرصتني .. يمات العريس خزرت قاتلي : ايه يابنتي واقيل قريب تولدي . واش ح تجيبي طفل.و لا طفلة .. جداتي : بوووه عليا بووه .. ماش مزوجة اصلا + الدوارة برك مراهيش اونسانت .. انا حسيت بالتبهدلية كنت حابا نوض نرفد راسها ندخلو ف الباتيسري .. مي اصبروا دقيقة و ين راهي الباتيسري . اه لقيتها راهي ف كرش العريس كلاها قاع و حدوا .. منال تقلقت و ناضت و تبغتها يماها و جداتي .. العريس : يما راني جيعان . مكانش الجو .. انا : كان كاين مي نتا شربتو وحدك .. العريس : يما هادي هيا العروسة و اشار ليما
بابا تقلق وقالو : هدي مرتي ???? .. العريس : اه والله حسبتها منال تالمون تبان صغيرة .. ماما ضحكت و بابا خزر فيها .. بابا: واش اسيا عجبك الحال واقيل يما : شبيك زعفت الطفل صغير مكانش قصدو .. المهم ولات جداتي مع فاطيمة . يمات العريس : المهم جيناكم بالحسب و النسب باش نخطبو منال لوليدنا قدور .. انا سمعت اسمو طرطقت بالضحك خزرو قيا باستغراب قالهم والو تفكرت حاجة .. المهم بعدها قاتلهم فاطيمة بلي منال مزالها تكمل في قرايتها .. بصح ادا حبيتو كاين ندى .. انا بلعت ضحكتي و خزرت فيها???? يمات العريس: لا لا حبينا وحدا تكون رقيقة و قارية ..انا : على اساس انا راني ميتة باش ندي المجاعة تاع ولدك .. هما تقلقو و راحو .. يما خبطتني كف .. انا : شبيك ضربتيني .مشفتيهاش كبفاش كانت ترمي ف الهدرة اونسانت و قارية و م علاباليش .. يما : كون درتي لاطاي ماشي هاك. . اواه نتي ح تبوري انا : اه حبيتوني ندير لاطاي .. اوك مكانش مشكل مي نروح لدار خالتي اوكي .. خلاني بابا نروح لعند خالتي . سقمت حوايجي ف كابة و بدلت قشي و لبست صباطي و جيت خارجة . جبدتني ملاك من يدي : و تيليفوني تديه معاك . انا : توحشتي راجلك واقيل .. ملاك : لالا باش كي نتوحشك نعيطلك .. انا : قتلتيني بالضحك . تتوحشيني مدغغغغي معليش ادا توحشتيني قولي لبابا يعطيلك تهدري معايا .. ملاك : شيطانة نكرهك .. انا : شغول انا لي نحبك ... المهم ودعت دارنا و رحت عند خالتي في فرنسا .. لحقت لتم استقببلتني خالتي و بنتها كريستين و الين بفرحة و محبة .. عطاولي بيت و ساعدوني باش ندير لاطاي .. خخ ديجا مكلتهم برك تخليك تشياني في نهار ياكلو كي الزواوش ندمت حياتي لي رحت عندهم .. يسقولي قيس مغرف خير خضرا .?????? .

ي شوارما ني بيتزا ني شيكولا و كل يوم سبور .. المهم بعد معاناة طويلة من 100كيلو وليت 56كيلو .. و زاد الينا صبغتلي بعض الخصلات من شعري بالصفر جيت نهبل.و وليت نماكيي و نخرج لتم عجبني الحال حجزلي بابا و قالي وليي بفف يحبو يفسدو عليا حياتي الجميلة ،، وليت للدار .. و يما تشوكات و جداتي .. ملاك : داك ميساجور جديدة .. تبدلتي قاع مي وليتي تهبلي بفففف .. يما : مشاء الله علا بنتي خموس عليك .. جداتي : قوليلي واش شربتي باش نولي جونفي كيما نتي .. انا : قولو الله يبارك ?? ....... بعد مرور عدة ايام كنت راقدة حتى تجي يما تنوضني ..يما : ندوش نوضبيي .. انا: شاكاين ؟؟ يما : وليد الجيران . لي عندو بيرو طابا عجبتيه و راه جاي عشيا باش يخطبك ... انا : بيييي الرخيس كي كونت نروح نشري عندو كان يقول درتيلنا زلزال .. هربتيلنا الزباءن ... منبيعوش للابقار. ،،الخ و دوك كي درت لاطاي جاي يخطب ... يما : ايه معليش المهم روحي دوش.و لبسي مليح و ماكيي و نشالله تصدق هاد المرة ... انا : الي يسمع جاو خطبوني الف واحد . و ديجا مزالني صغيرة . و انا مدرتش لاطاي باش نتزوج واحد كيما هداك الانوش و تان عندو بيروطابا .. يما : واش خصو و لا راكي تستناي ف مهند يجي يخطبك واقيل و لا كلش رجل اعمال .. انا : هيه يا نتزوج واحد مرفه يا نقعد بايرة .. ديجا شبيكم مخلوعين بالزواج . يما : مش انت كنتي تقولي زوجوني نستعقل . انا : ايه هديك ندى القديمة ... و ديجا شفنا كي زوجناه شاربح .. ربح غير مرا كي الحية .. يما : اه فكرتني غدوا يجو من الفواياج .. انا : مليح . ???? يما : روحيوجدي روحك منعاودش .. المهم جاو خطبوني مقبلتش يما دارتلي حالة .. خاطرش كي مقبلناش . خطبو منال و منال قبلت ... يما: هاه الشاطرة دات الراجل ونتي اقعدي بايرة تستناس ففارس احلامك يجيلك فوق الحصان الابيض

عادل : بففف حتى واحد معجبك نتيا .. ملاك : جيبلها مهند و لا ابليكجي بلاك تقبل .. انا : ايه ???? .. عادل : تحبو غير الزين .. ادا معلابالكمش الصح ف العقلية .. انا: والدراهم .. ملاك : عادل نصائحك خليهوم لروحك .. عادل : خلاص مرتي متزعفيش عليا يا تعرفيني نحبك .. انا :احم احم مليح مرتي .. راجلي عمري مليح ياواحد البوالين كبرتو ووليتو تعشقو . مي استناو برك نلحقو للدار و نقول لبابا يزوجكم مليح .. ملاك : انا اوموان محبيتش طفل صغير عليا وضربني الشيخ بالطلاسة للراس ... انا شرقتلي روحت لتواليت .تواليت جاية برا لاصال و تعرفو جاتني كرشي الوغ بطيت و فهداك الوقت لاصال فرغت قاع راحو يتعشاو . و انا مكانش علابالي شفت لاصال فارغة قلت بلاك غلطت بيسك كاين زوج عراس الوغ دخلت و رحت قعدت ،، جات عندي واحد المرة لابسة مليح و يدها معمرة دهوبات .. قاتلي مسلخير قتلها مسالنور .. هي : نتي من جهة شكون .. انا : من جهة العروسة . هي : اه صح جامي شفتك . انا : ايه باسكو كنت سمينة درت لاطاي حتى واحد مولا يعرفني .و قعدنا نقصرو و نضحكو حتى اني مفقتش بلي العرس مش ديال منال و هكاك مع القصرة و زادت جات بنت المرا و حلات القعدة حتى خلاص العرس و بداو يروحو الناس .. المرا : عيطتي ل زينو يجي يدينا .. بنتها رزان : ايه راه قريب يوصل . انا حوصت على لافامي ملقيت حتى واحد ... سقسيت على اسم العريس و العروسة قالولولي خديجة و عدلان ... انا : اااااه غللللطت مشي هدا هوا عرس بنت عمتي ... رفدت تلفون لقيت 40 ابيل من عند ماما . و ميساج قاتلي فيه بلي راحو كورتاج مع العروسة و بابات العريس عرضهم للاوتيل يقعدو نهار ... انا تشوكيت مقاتليش مينبا وين جاي و كيفاش نروح و انا معنديش د اهم وجهي صفار و بديت نبكي سافت فيا لمرا عطاتلي تلفونها هدرت مع يما . و قاتلي روحي باتي ف الدار قتلها معنديش المفاتح .. قاتلي اووووف مصيبة نتي دبري راسك و كوبات حكيتلها للمرا قاتلي معليش ارواحي معانا للدار
جا وليدها كانت عندو اودي كحلة .. وهو شنقوللكم سمر و عينيه عسلين عندو لحية خفيفة كان لابس تريكو قغي و شوغت جين و باسكيت و داير سلسلة . واااااع يهببببل ?????? طول الطريق كان مشنف و يضارب مع يماه .. باين عليه واااعر مي معليش نديه واعر و منديهش انوش . ???? المهم لحقنا للدار .. رحت مع روان عطاتلي بيت بدلت دوشت بدلت حوايجي .. عطشت ملقيتش لما . جيت خارجة حتى نسمع ف زين الدين الزلوش ديالي يقول ليماه: وهادي لاه جبتيها معاك ؟؟.. يماه: اسس بلعقل دوك تسمع . طفلة عاقلة انا شديتها بالهدرة حتى راحو عليها دارهم .. زين: امم مليح لي تلقايه برا دخليه للدار .. و لات دارنا دار لرعاية المتشردين . انا سمعت هديك الكلمة طاحتلي الدمعة روحت بدلت حوايجي . و قلت نبات برا و منباتش عند هاد لي حاسب روحوالمهم ستنيت حتى راحت ترقد يماه و خرجت جيت نفاح الباب حتى يشدني واحد من يدي درت لقيتو مون زل .. هو : وين رايحة فهاد الوقت .. انا: راني رايحة منيش حابة نحوللكم داركم لدار رعاية المتشردين .. هو قعد يخزر ف عينيا منبعد جبدني لعند انا دنيت . لصقت ف الحيط و بديت نترعد .هو : شبيك تترعدي مدغيييي .. المهم يتسما كنتي تتنصتي لهدرتي مع يما .. انا : كنت تعيط علابيها سمعت و لا لافوت فيا نورمالمون نبوشي ودني و منسمعش . هو : ايه . انا : بعد خليني نروح . هو : كاين كلاب برا تدور بالاكي يهجمو عليك و جا طالع .. انا : اه قول والله صح عندهم داء الكلب صح ؟؟ هو : قصدي كاين ليجوان سكرانين .. انا : و اومبعد نعطيهم بكوتبي نقتلهم .. هو : بركاي متجياحي و اطلعي ترقدي نعلي بليس ا طفلة .. انا : واش شايفني نرضع صبعي باش تقولي طفلة . هو : لاحول ولا قوة الا بالله روحي ترقدي مش خير
لبنات رانا نتعبو باش نقدمولكم لكورنيك بهد الطريقا عاونونا شويه و كليكو على هد الاعلان بليز




بعد جدال مع زينو ، طلعت بدلت و رقدت كنت عيانة ،، فطنت على التليفون يصوني لقيتها منبع الحنان ،، يما : ي مسودة السعد وين راكي ،، انا: لقيت مول الاودي يا يما ?????????? يما : وين راكي ، انا: دوك نجي نحكيلك كوبي متخسريش ليزونيتي ياك تعرفيني نسحقهم باش نكونيكتي .. المهم سقمت الفراش باش ميقولوش خرباتو و راحت ???? ،، بدلت لبست روبتي و درت شوية مكياج ،، كشما نعجبو و لا هكا ، المهم هبطت لقيت زينو قاعد مع عجوزتي المستقبلية . قاتلي اقعدي تاكلي حاجة و انا في قلبي يا وكان نقعد مناكلش حاجة ناكل كلش ???? ،، انا: راني مزروبة نروح ،، عجوزتي : زين وصلها .. زين: اوكي يلا باي .. خىجت انا و ياه و قعدت نخزر ف الدار ،، لبارح كان الليل مشفتش مليح ... اااه شنحكي شنخلي دار كبيرة و شابة ،، زين : اركبي .. انا ركبت . و طول الطريق كان داير غنا تركي ?????? و انا كنت نوريلو الطريق .. كي لحقت قتلو باي باي و دخلت الدار كانو قاع مقلقين عليا و انا شغول فاجاتهم كي دخلت فرحانة و يما كي قتلها ف تلفون لقيت مول الاودي حسبتلها كشما غلطت و لا درت .. و انا داخلة ياتيني الصابو تاع يما للراش . تغاشيت . فطنت لقيت روحي ف غدوا ،، و ف السبيطار و راسي يوجع بزااااف ،، و كانت هديك عجوزتي المستقبلية معاهم انا فرررحت رغم الالم لي فيا قلت باينة عجبتها و ناوية تخطبني لوليدها البوقوص .. يما : سمحيلي ي بنتي مكاش علابالي بلي كنت عندهاد المرا :امينة: ..... انا : كنت ح نحكيلك مي نتي . مقتاش نخرج .. يما : كي يجي الطبيب يقوللنا ،، المهم جا طبيب و قالي تقدري تخرجي ، رحت للدار رقدت جابتلي يما الماكلة للفراش و قالت لملاك خلي ختك ترقد متقلقيهاش ... ملاك: ادا هكا قاع ندخلو للسبيطار مي انا متدروحنيش بالبويون ، جيبولي شوارما ... يما : ندى ادا كشما سحقيتي قوليل

انا : كشما قاتلك هاديك امينة ف السبيطار ،،، يما : والو قصرنا و قاتلي بلي راهي مع تحضيرات العرس تاع وليدها زينو ... انا: اااااااااه ?????????? ،، يما: شبيك ، انا: والو???? يما : حسبتلك ح يخطبك نتي واقيل ،،انا : علاه شاخصني انا . يما : بزااااف حوايج ... انا : متلا؟! ... يما : اصبري خليت الماكلة فوق النار دوك نولي . و دهبت و لم تعد. قعدت نخمم ف زينو و ناكل ?????? انا في قلبي . رخيس ميسواش حيوان حمار كلللب شيطان خداع خاءن علاه علاه . كي قولت جا المكتوب لقيتو مخطوب ، علاه علاه واش خصني باش منعجبوش شابة و عاقلة و تان علاه يخلي وحدا زلة كيما انا و يتزوج بوحدا شعشبونة ?????? .. ملاك : يا حاتكسري الطبسي راه فارغ و نتي راكي تخبطي المغرف و تدخلي المغرف في فمك .. خخ مكانش علابالي بلي نتي تاكلي الريح ،،، انا: شدخلك فيا ماما .. اديييي عليا هاد الشيطان . ملاك : خرسي ي حرباية .. انا : نقول لبابا على عادل و التليفون .. ملاك: باغدون بب حبككك ... انا: تحبكك حببة ???? ،، !# المهم مرت الايام و زين مخرجش من عقلي كل يوم ندخل للفيس ديالو و نشوف تصاورو .لقيت الفيس ديالو كان مسميه باسمو ****زين الدين- .. ايه و كلما نشوفو تصاورو قلبي يولي يخبط و يجيني لبكا و موليتش ناكل غير شوية بزاااف.لحق العرس انا لبست روبا كحلة و صباط طالون كحل و غوجالاف حمر ، و يما لبست عباية و من التحت جبة بيضا مخدومة بالعقاش و الزيقزاق .. شابة و ملاك الحابسة لبست سروال جين مقطع و تريكو بيض و باسكيت بيض ،، بففف شغول رايحة تقرا .. المهم لحقنا للاصال واااع شحال شابة كلللش فخم ، هدا عرس و لاخلي الطبابلة و الغنا .. و الماكلة ?????? نندب على زهري كون جيت انا العروسة مشي خير

المهم لاصال تعمرت و العريس و العروسة مبانوش ،، فغرفة التبديل تاع العروسة .. امينة : قتلك الطفلة مش تاع زواج قتلك من لول معجبتنيش ،، محسيتهاش بنت فاميليا ، و دوك واش نقولو للناس ، نقولولهم العروسة دات الدراهم و هربت و لا نقولولهم تزوجت و خلاتك ، اه فهمني وش نقولو ،، بهدلتنا خليتلنا اسمنا فالارض ،،،،، زينو : يما الي فيا يكفيني اوكي ،، امينة : يسمع باباك يديرلك حالة ... فهاد الوقت دخلت رزان ... رزان : ماما لاصال تعمرت و لي يكتب العقد او جا واش نقولو للناس دوك .. امينة : شوفي عمايل خوك وين وصلونا ???? ... رزان: لازم نلقاو وحدا توت سويت .. زين : من نيتك تروحي تقوليلهم العروسة هربت شكون تجي تتزوج في بلاصتها .. رزان : ايه ، و ديجا واش فيها ياك الف وحدا تتمناك .. زين: متقعديش بيا دوكا .. رزان : ماما واش رايك ب سارة .. امينة : هداك م خص نجي وحدا جادورة كيما هيا .. رزان : لقيتها ندى . امينة : ايه هديك صح طفلة بنت فاميليا . زين : متقولوليش برك هديك لي لقيتوها ف العرس و جبتوها للدار .. امينة : هي بدات .. زين : متقعدوش بينا انا وين وهي وين ... رزان : اه صار هكا يمال اخرج للناس وقوللهم بلي لعروسة تزوجت لبارح دات الدراهم و هربت .

زين : اووكي شوفي مع هديك ندى و لا معلاباليش .. امينة : انا نهدر معاها .. ف طابلتي : يما: شوفي هاد الناس باينين راقدين على الدراهم شوفي برك حوايجهم و كان جا عندك شوية زهر لوكان او جا دوكا واحد يخطبك ... انا : لسا الايام جاية .. ملاك: انا خلاص فريتها لقيت راجل . يما: شكون يا لالا . انا: عادل ولد فاطيمة . يما:هداك ماخص خلاصو الرجال . ملاك : غيرهو لي نديه .. انا: ماما مديريش عليها خخخ حب مراهقة . امينة : مسالخير مدام اسيا .. يما: مسلخير .. امينة: واش ندى بريتي .. راكي مليحة .. انا:حمدالله .. امينة: هادي هيا صغيرتك . و خزرت ف ملاك .. يما: ايه عندي زوج بنات و طفل مزوج .. امينة : الله يبارك .. امينة : نقدر نهدر معاكم نتوما الزوج ف موضوع . ملاك : اهدرو منيش نسمع ???? .. امينة : جيت نطلب منكم تعاونونا ف حاجة .. يما: واش هيا . امينة: كيما تعرفو ليوم لعرس تاع زينو و نوغمالمون دوك يكتب الكتاب مع مرتو . مي الطفلة لي خطبها دات الدراهم و تزوجت و دوك عيطتلو قاتلو منقدرش نجي للعرس خاطرش راهي ف فرنسا .. و دوكا رانا حاصلين مع ملاك ... ملاك: اخاه فحلة هادي دات دراهم و هربت و زادت سافرت واقيل ندير كيما هيا . يما : احم احم والله نكسرلك رجليك نوريلك تلعبي بولاد الناس . امينة : ايه ندى انا كي شفتك عجبتيني و تمنيت تنديك لوليدي .و كيما راكي تشوفي رانا ف موقف لايحسد عليه .. ادا تقدري تتزوجي بوليدي و تكوني نتي في بلاصة العروسة .. انا : اه هل انا احلم . يما قرصتني . يما: اسكتي حسبتلك ح نقبل واقيل .. يما : اولا باباها راه ف الصحرا .و معلابالوش و لافامي معلابالهومش و انا منمدش بنتي في نهار كيما تعرفي عندي زوج بنات مشي عشرين .. انت تقبلي تمدي بنتك في نهار متقبليش ... امينة : علابالي .. مي شوفي اليوم يتزوجو قدام لافامي تاعنا و امبعد

زين : اووكي شوفي مع هديك ندى و لا معلاباليش .. امينة : انا نهدر معاها .. ف طابلتي : يما: شوفي هاد الناس باينين راقدين على الدراهم شوفي برك حوايجهم و كان جا عندك شوية زهر لوكان او جا دوكا واحد يخطبك ... انا : لسا الايام جاية .. ملاك: انا خلاص فريتها لقيت راجل . يما: شكون يا لالا . انا: عادل ولد فاطيمة . يما:هداك ماخص خلاصو الرجال . ملاك : غيرهو لي نديه .. انا: ماما مديريش عليها خخخ حب مراهقة . امينة : مسالخير مدام اسيا .. يما: مسلخير .. امينة: واش ندى بريتي .. راكي مليحة .. انا:حمدالله .. امينة: هادي هيا صغيرتك . و خزرت ف ملاك .. يما: ايه عندي زوج بنات و طفل مزوج .. امينة : الله يبارك .. امينة : نقدر نهدر معاكم نتوما الزوج ف موضوع . ملاك : اهدرو منيش نسمع ???? .. امينة : جيت نطلب منكم تعاونونا ف حاجة .. يما: واش هيا . امينة: كيما تعرفو ليوم لعرس تاع زينو و نوغمالمون دوك يكتب الكتاب مع مرتو . مي الطفلة لي خطبها دات الدراهم و تزوجت و دوك عيطتلو قاتلو منقدرش نجي للعرس خاطرش راهي ف فرنسا .. و دوكا رانا حاصلين مع ملاك ... ملاك: اخاه فحلة هادي دات دراهم و هربت و زادت سافرت واقيل ندير كيما هيا . يما : احم احم والله نكسرلك رجليك نوريلك تلعبي بولاد الناس . امينة : ايه ندى انا كي شفتك عجبتيني و تمنيت تنديك لوليدي .و كيما راكي تشوفي رانا ف موقف لايحسد عليه .. ادا تقدري تتزوجي بوليدي و تكوني نتي في بلاصة العروسة .. انا : اه هل انا احلم . يما قرصتني . يما: اسكتي حسبتلك ح نقبل واقيل .. يما : اولا باباها راه ف الصحرا .و معلابالوش و لافامي معلابالهومش و انا منمدش بنتي في نهار كيما تعرفي عندي زوج بنات مشي عشرين .. انت تقبلي تمدي بنتك في نهار متقبليش ... امينة : علابالي .. مي شوفي اليوم يتزوجو قدام لافامي تاعنا و امبعد

نديرو خطبة و عرس قدام لافامي ديالكم . انا خزرت ف يما .. يما: انا خاطيني الراي يبقى ل ندى . امينة : تعيشي ي بنتي م تردينيش ... انا في قلبي ي جدك ولاو يحللو فيا باش نتزوج زين???? انا : اوك قابلة علاجالك .. امينة : يعطيك الصحة . ايه ارواحو معايا تاع سون سمير .. رحنا دخلنا للبيت تاع العروسة رزان كانت هداك وين ولات جابت معاها لاغوب بلونش .. مدغييي لبست لاغوب بلونش و طلقت شعري و سقمت المكياج ديالي. . رغم بساطتي كنت شابة ايه امبعد جا زين قعد يخزر فيا من الفوق للتحت اومبعد شدني من يدي و رحنا قعدنا و كتبنا كتب الكتاب ووليت مرت زين الدين خخخخير واحد الزهر لي عندي رحت نحضر العرس عشيت انا لعروسة ف الهند و مصراتش ..

خلاص العرس راحو لغاشي دخلت لبيت وين يبدلو نحيت لاغوب بلونش و لبست الروبا ديالي . دخل زين .. زين : علاش بدلتي كونتي تهبلي بيها ???? .. انا حشمت ووليت حمرا مي درت روحس مسمعتش و قتلو : باينة مندخلش لحومتي بلاغوب بلونش ،، زين : حومتك ؟؟ نسيتي بلي وليتي مرتي تجي لداري ،،انا : منجيش نروح لدارنا ،، بابا معلابالوش .. زين: باباك معندو مدخلو من اليوم انا لي نحكم فيك ياك نتي مرتي و انا راجلك .. انا: واش واقيل عجبك الحال و بديت تلعب ب دور الزوج و معلاباليش .. المهم انا تفاهمت مع يماك . وجيت خارجة شدني من يدي . بقوة حسيتها تنحات من بلاصتها .. و لصقني ف الحيط و شد قبضة يدو و خبطها ف الحيط و قرب فمو من ودني و قالي كي نهدر نحبك تسمعيني و متقاطعينيش .. و انا مدخلنيش فواش تفاهمتي مع يما باسكو تفاهمتي معاها هيا مش معايا اوكي و دوك ادا كملتي هايا نروحو . شدني من يدي و خرجني من جهة و حداخرا .. لحقنا لطونوبيل فتحلي الباب قعدت غير نخزر للور نحوص على خالة امينة كشما تسلكني من هاد الهم .. انا : كرشي راهي توجع حاسة روحي ح نتقيا خلطت ف الماكلة و لازم نروح لتواليت و رحت دخلت للاصال و هدرت مع امينة على واش قالي زين الدين و قاتلي خلاص انا نتفاهم معاه . دخل زين و خزر فيا وحد الخزرة ياماما ح يقتلني امينة دات زين بعيد و بدات تهدر معاه و حكاتلو على الاتفاقية ،، زين : مليح وليتو تتافقو على راسي و بابا واش نقولو .؟ امينة: انا نتفاهم مع باباك . زين : بففف داكوغ ، انا نروح للدار .. امينة : روح وصل مرتك و ماليها لدارهم .. زين : ايه مليح ديروني شوفور عندها و خلاص .. المهم جات امينة مع زوجي ???? و كانو باينين بلي تفاهمو ، امينة : ايا دوكا راح الحال . خلي زين يوصلكم و حنا غدوا نعيطولكم و نتفاهمو .. يما: ان شاء الله تصبحوا على خير . زين : ندى دقيقة نسحقك ، انا بلعت ريقي و رحت لعندو قال اعطيني النيميرو عطيتهولو مي كان باين بلي كان حاب عفسة و مقدرش باسكو امينة كانت معانا .. المهم وصلنا للدار قابلتنا جداتي قدام الباب . جداتي : هداوين تجو .. انا: ني عيانة بون نوي . دخلت لبيتي و بديت نسوطي منالفرحة و نشطح دخلت ملاك ... ملاك: هادي هيا لي قولتيلنا بلي راكي ح ترقدي ???? انا : خطيني . رحت بدلت و تكسلت لحقني مساج من عندو مكتوب فيه " اليوم سلكتيلها . كي طيحي في تشوفي شانديرلك " انا"يامومي خفت اليوم م نرقدش".
و فعلا والله خفت و مرقدتش ، غدوا منداك جا بابا من الصحرا ،، قعدنا معاه توحشناه بيسك عندو بزاااف يامات وهو بعيد علينا . قصرنا حتى دخلتلو يما ف موضوع تاع الزواج .. يما: كاين واحد لافامي شنحكيلك شنخليلك زين اخلاق قراية دراهم ميخصهم والو ، عجبتهم ندى و حبو يجو يخطبوها لعشيا واش تقول . بابا: ايه قوليلهم يجو .. ف لعشيا ليسيت شعري ماكييت لبست روبة بيضا قصيرة .. جاو شاف بابا زين تخلع و خزر ف يما قاللها هاد هو الزين و التربية زين : متقوليش برك نتا بابات ندى ..بابا : اسسسكت متجبدش اسم بنتي في فمك .. و ديجا من دوك ادا نتا لي ح تخطب بنتي مناش قابلين .. زين: ايه يمال باش نقولهالك من اللخر انا و بنتك تزوجنا البارح و هاوليك العقد .. بابا شاف العقد حكمو طاح .. انا : بابااااااا . درنالو الما فطن حطيناه ف الفوتاي تاع الصالون . بابا : علاه يا بنتي انا نربيك و نكبرك ونتي تكبري و تروحي تتزوجي بواحد كيماهدا اخلاق صفر .. زين : اخلاق صفر حشاك . ديجا ندى روحي لمي حوايجك . ندى : منلمش .. زين: قتلك دوك تروحي تجيبي حوايجك و تروحي معايا ... امينة : واش بيك زين ولش تفاهمنا .. زين : انا منقعدش نعاود ف الزواج مناش نلعبو تشيلة و ديجا ندى ولات مرتي فالشرع ف القانون ياك لبارح فتحت وعقدت عليها . يتسما مرتي و انا لي نحكم فيها ... امينة : ???? .. زين : ندى واش قتلك ... انا معرفت شاندير مي لي نعرفو لازم ناخد راي زين بيسك ولا راجلي مي بابا قبل .. انا: بابا واش دارلك زين . زين جبدني من يدي و خرجني لحقنا للطونوبيل . زين : اركبي منعاودش الهدرة. خفتو ركبت و طول الطريق و انا نبكي ،، لحقنا للدار .. قعدت ف الطونوبيل ج جبدني من يدي و قالي تبعيني . دخلني لواحد الدار شغول شقة صغيرة باينة بلي داري انا و ياه .. بقيت نتبع فيه و نخزر مشوكيا صح الدارة صغيرة مي بزااف شابة .. فتح واحد الباب كانت غرفة نوم كبيرة و كان كل فيهم بالابيض و و الاسود و الرمادي . بزااااف تهبل . قال : ادخلي . فتح الخزانة جبد حوايجو دخل للادوش بدل و خرج و انا طول الوقت و انا نبكي و نخمم في بابا ،، خرج زين من لادوش يشوغت برك و صدرو كان عريان انا دورت و جهي و كملت نبكي هو حكم التليفون و طلب بيتزا .. لحقت البيتزا عيطلي صح كنت زعفانة و حزينة مي رحت كليت حتى شبعت ف حاجة ااماكلة متلعبليش . المهم كي كملنا زين ناض قالي هيا قتلو وشنو هايا قالي ارواحي و شدني





فطنت مع الصباح ملقيتوش ، رحت غسلت و جهي و خرجت للصالون لقيتو موجدلي الطابلة عصير كرواسون بيض زبدة مادلين ..الخ . انا : صباح الخير زين : صباح النور و الياسمين ارواحي تفطري . انا : اوكي رحت كليت حتى شبعت .. زين: رقدتي مليح . انا: وي و نتا .. زين :والله لبارح قتلتيني بالدبازي و الكوتبيات يرحم بابا واش كنت تنومي بروسلي و لا جاكيشان ..انا: خخخخ صح باغدون?? . زين :???? هدرت مع يما و قاتلي تفاهمو مع باباك و قاللهم لازم نعاودو العرس .. انا : هكاك خير . زين : اوكي يمال روحي وجدي روحك نديك لداركم و نروح للخدمة . رحت للدار قابلتني يما . يما : واش صرا لبارح . انا: والو واش صرا متلا .. يما:كي داك كان زعفان قلت كشما دارلك ولا. . انا: لالا مدلي تريكوه و جابلي بيتزا و صباح و جدلي لفطور .. يما: امم مليح . انا: بابا راه مليح. .. يما : بالاكي دوري قدامو والله يقتلك ديجا بسيف واش وافق ع الزواج كان حابكم تتطلقو مي انا قنعتو انا: مي علاش .. يما :انا لي فهمتو بلي باباك كان يخدم الشوفور تاع زين ،، و زين كان تاع بنات و شراب و بباك كان ديما ينصح فيه و مرة ركب معاه طفلة و قعدو يتكيفو ووو .. بابا عيطعليهم و قالهم متحشموش .. زين زعف ضرب باباك و حاوزو من الخدمة تشفاي نهار جا مجروح و ظهرو يوجع فيه قاللنا ضربني واحد سكران ... انا : صار هكا .. رحت نجري لعند بابا عنقتو .. بابا: بعدي عليا ... انا :مكاش علابالي بلي هو لي دار فيك هكاك . كون عرفت والله منزوجو مي متخافش دوك نجيبهولك يعتذرلك و يبوسلك يديك و رحت عيطتلو مريبونداش قعدت غير نعيطلو حتى ريبوندا ... زين : هادو قاع لي ابيل واش تمتم توحشتيني .. انا : دوك عرفت وعلاش بابا محبنيش نتزوج بيك .. زين : كنت سكران ف هداك الوقت مكنتش واعي على روحي ...انا : شوف ي تجي تطلب السماح من بابا و تبوسلو يديه يا .. زين : و يا؟؟ انا: يا طلقني . زين : يتسما ديري ف الشونتاج مي معليش باش نبينلو بلي انا مربي نجي و نطلب السماح .. المهم ف العشية جا زين و طلب السماح من بابا ز باسلو يديه و بداو يهدرو وحدهم ف البيت و انا ف الصالون كنت حابة نروح نقرعج مي يماه و رزان كانو معايا ،، و اخيرا خرج بابا مع زين يضحكو و انا تشوكيت سبحان الله مقلب الاحوال . المهم هداك نهار جابو الخواتم لبسناهم ... بعد ايام جازو روتين غير تلفونات مع زين خخخ مهبلني و شغل و تحضيرات درنا عرس قلبناها بالشطيح

تلامو علينا لغاشي . زين: اهربي و قلغناةنجرو و هوما يجرو لحقنا عند واحد يبيع لاكريم شرينا و قعدنا ناكلو حتى شفناهم جايين باينين بلي مافيا . زين رما لاكريم و قلع يجري و انا قلتلو استناني و كملت نجري و نلحس ف لاكريم لحقنا للاوتيل . عنقت زين و قعدنا نضحكو امبعد خبطتو بكوتبي و رحت دخلت دوشت تعشينا و رقدنا غدوا منداك رحنا للساحل كلينا سمك مشوي و شربنا لاتاي . و درنا شوية انا شفت هداك السيد لي عندو فوانيس تاع الامنيات لي طيريها فوق البحر فالسما قتلو لزين قالي لالا منشريلكش .. خطيك من الخزعبلات انا زعفت و رحت رفدت و حدا بلا منخلصها تمنيت امنية و طيرتها ، جا عندي مولاها قالي خلصيني قتلو هداك يخلصك بعتو لواحد الجون راح هدر معاه خزر فيا عمزتلو و روشتلو .. خلصو و جا لعندي .. زين : قالو خير واشن .. الجون : انت جزايري . زين : علاش .. الجون: هاي مرتك بس ليش تركتني ادفع بدالها ... انا : شفت البورطفاي ديالك معمر قلت وش فيها ادا خرجت شوية دراهم . الجون: شو م فهمت .. زين : مش لازم تفهم باي . و رحنا . زين: مليح بغمزة خليتي السيد يخلصلك .. انا : لانني دكية .. زين : لالا خاطرش هو حابس .. رحنا قعدنا باغسكو عيينا من المشيا كانو مقابلينا واحد لي جون فيل تركيات لابسين قصير و قعدو يخزرو ف زين و يتبسمو يكحلو عليه الفايحات .. انا تقلقت رفدت يدي و يدو لي فيهوم الخاتم وبديت نوريهالهوم و نغزل فيهم هما تقلقو و راحو وزين ميت بالضحك . زين: شبيك عمري هادي قاع غيرة . انا: واش عجبك الحال نتا واقيل . هو : واه عجبني سوغتو كي رفدتي يدي و بديتي توريلهم ف الخاتم . انا: اوموان يعرفو بلي نتا مزوج و يخطوك خفت لا تخطفك كاش وحدا منهم . زين : نخلي الزلوشة تاعي و نروح لهدوك لموسطاشات .. انا : عييت ني حبا نرقد منيش قادرة نمشي ارفدني . زين: بديتي تتدللي . انا : هكا يمال اقعد هنا و انا نروح وحدي . هو : متعرفيش الطريق . انا: نعرفو. هو : باين عليك بلي تعرفي الطريق علابيها راكي رايحة من لتم . من الفندق ي الحابسة .. انا ارتبكت : و وش كون قالك بلي راني رايحة للفندق .. هو هبط روحو و قالي اطلعي .. رفدني على كتافو و انا قاعدا نتمهبل و نغني الناس قاع مخلوعين فينا .. هو : غمي بهدلتينا .. انا: غمة تغمك منغمش .. لحقنا للاوتيل . زين: ااااي كتفي .. راه يسطر .. انا : ااه قول والله رحت جبت لابوماد و قعدت نديرلو فوق كتفو .. انا : راحل

هو : اه يمال مكلاه تزعفي اقعدي عاقلة هكا باش نحبك .. انا : علاه متحبنيش ???? .. هو : لالا نموت عليك .علابالك واش راني حاب .. انا: واش ???? هو : بيبي يشبهلك ???? انا : احم احم وش جاب هاد الحكاية دوكا معندناش برك تلت يام ملي تزوجنا راك تخمم ف دراري .. هو : ???????? بففففف . انا : خلاص كي ليوم يكون عندنا طفلة صغيرونة نمشطلها شعرها و ندوها تحوس . هو لالا نجيبو طفل باش نديرلو الجال و نلعب معاه ماتش و البلاي .. انا : لالا نجيبو طفلة . هو: طفل . انا: يمال منجيبلكش دراري وخلاص.... انا : معليش مام و يلا كانتكانت طفلة نوغمال المهم يكون عندنا دراري ???? ... انا : كي اليوم ان شاء الله .. هو : ان شاء الله المهم جاز شهر العسل هاااتيل يعني غير هدات و مشاكل مع الناس و التمهبيل ، عجبني الحال بزااااف و فرحت بزااااف كي ربي رزقني براجل كي زين .. المهم بعدما كملنا من شهر العسل .. خالتي امينة كانت حابة دير عمرة و لازمها تروح مع زين خاطر راجلها مريض ، الوغ قاتلي مام نتي تجي معانا روحنا درنا عمرة و دعيت ربي يرزقني ب ذرية صالحة و يخليلي زين معايا ويحسن خاتمتنا ..الخ و بعد موليت من العمرة درت الحجاب ، كنت منصليش وليت نصلي ، حتى زين ولى يروح الجامع يحفظ القران بعدما كان تاع شراب و ملاهي و بنات الحمدالله تاب ،، بعد ما رجعنا من العمرة بشهرين كان عرس رزان ،،اخت زين فهداك النهار كنت انا مريضة الدوخا القيا ، زين كان طول النهار امشي نديك لطبيب مي محبيتش قلت حتى يفوت العرس ،، اوموان زين يحضر عرس ختو الوحيدة .. المهم بعدما خلاص العرس فحصني الطبيب و هنا المفاجاة كنت حامل في شهري التالت زين سمع رفدني و بدا يدور فيا ،، انا بديت نبكي ،، امبعد عانقني ،، كل هدا و الطبيب يخزر فينا بابتسامة عريضة . الطبيب: مي لازم تهتم بيها مليح ... زين: ولو نحطها فوق راسي .. الطبيب : ربي يدوم المحبة بيناتكم . انا: امين .. قعد الطبيب يعطيلي نصائح و هكدا امبعد رحنا للدار كانو اهلي مزال مراحوش كانو مقلقين بزاااف انا قتلهم بلي راني حامل بداو يزغرتو ،،
امينة : مبروك عليكم ، عقبال يزيد و نفرحو بيه ،، انا : عقبال ما تزيد .. ني حبتها تكون طفلة .. زين : لالا طفل .. انا : قتلك طفلة .. يما : الطفل و لا طفلة مش مهم المهم يزيد و تفرحو بيه .. وش حبيت نقولك متشديش حاجة تقيلة .. امينة : ماكلاه تخافي راهي عندي نتهلا فيها ريشة من خليها تشدها .. يما : ايا يمال حنا نروحو ،، زين متنساش تجيبلي بنتي نشوفها .. زين : هي لي متحبش تجي مشي انا لي مخليتهاش .. يما : مليح هكا انا : والله هو كل ما يشوفني ح نرقد و لانشوف يقولي نديك عند يماك تزوريها و انا نقولو امبعد .. يما: المهم تصبحو على خير ... فالغرفة - كنت راقدة على صدر زين و هو قعد حليط يدو على كرشي و قعدنا نقصرو حتى جاز النهار ،، كان زين كل مايروح للخدمة يجيبلي معاه شيكولا فاكهة تمر ..الخ و حق الي نتشهاه يجبهولي جازو 6شهور قاع و هو يقلش فيا ،، و انا طبعا نستغل الفرص و نتدلل عليه و يماه كانت متخليني ندير والو .. المهم ف واحد النهار كنت قاعدة نشوف التلفزيون و ناكل ف لي كريب ، كنت نستنى ف لمسلسل ديالي الحلقة الاخيرة بفارغ الصبر .. بدات الحلقة شفتها كي قريب يخلاص من السوسبانس جاني سطر تاع الولادة قعدت نعيط جا عندي زين قالي ي مومي وليدي حاب يخرج .. هيا نديك لسبيطار ناموغ .. انا: مزال دوك يخلاص المسلسل نروحو ... زين : مزال قوجا نص ساعة باش يخلاص حابة تموتي واقيل . انا: بففففف اصبر جيبلي حجابي و خيماري .. عطاهملي و عاوني باش نلبس الحجاب .الحجاب كان فيه سلسلة و درت الخيمار ابيبري و رحنا لسبيطار زيدت ..

جبت طفل صغيرون يشبه لباباه . و طبعا زين مات بالفرحة وقعد غير يرفد فيه و يبوسو .. محبش يخلي حتى واحد يرفدو .. امينة : خليني نشوف حفيدي ... زين : مزال مشبعتش منو باش نعطيهولك .. انا : عطيهولي نرفدو شوية ياك انا زيدتو مش نتا .. زين : تسعة شهور ونتي رافداتو ف كرشك و مزالك تحوصي ترفديه ... انا : ?????? ... امينة : واش سميتوه . زين : اكرم .. امينة : مليح المهم مبروك عليكم يتربا في عزكم ان شاء الله ???????????? ____________بعد مرور عشر سنوات _____اليوم عرس عادل و ملاك تشفاولهم ملاك اختي و عادل لي كانو يتلاقاو بحجة الدراسة و هوما يقعدو يتمعشقو لي كنت نسيي نكحزها عليهم اليوم دارو العرس بعد حب دام لمدة عشر سنوات و فنفس لاصال لي تلاقيت بيها مع عجوزتي ،، و نفس الطابلة كنت قاعدة انا و زين و اكرم و نور سين بنتي لصغيرة .. انا : هنا بدات حكايتنا .. زين : و هنا تخلاص .. النهاية .





.