غدروني اعز الناس

غدروني اعز الناس كرونيك تونسيه شبه واقعيه عن حياة البنات في الجامعة
 




واخيرا حققت حلمي وبش نقرى ف فاك و اخيرا فرحت دارنا واخيرا بش نمشي العاصمة ونتعرف على ناس جدد

انا فرحانه علخر مرحله جديدة بش نعيشها و صحاب جدد بش نعمل و من فرشي خرجت اما اكهو ههههه عمري 19 سنه لازمني نعمل على روحي هههههه

خاترني رحله جديده تستنى فيا ....

لمهم اسمي ساجده انا طفله تقيه تخاف ربي و صلاتي ديما ف وقتها

نعيش مع امي تخدمش قاعدة ف دار و بابا عندو حانوت يبيع ف مواد فلاحيه و خواتي بلال وغازي يقراو ف ليساي

انا خذيت الباك و غدوه انشاء الله نمشي للفاك بش نقرى ف عاصمه بصراحه ملي نقرى ف ليساي ديما دوبي دوب روحي و عمري لا صوحبت ولا حبيت ت اصلا منمنش بالحب نمن كان بلخدمه و قرايه و تمحريث كهووو

اي عندي صاحبتي و ك اختي اسمها فرح هي جارتي ديما تحكيلي على فاك و جو الفاك و اصحاب و خاصه اولاد الفاك و انا نسمع و متشوقه وكانت ديما تنصحني بش نعرف كيفاه نتصرف خاتر لعباد مترحمش و اي انسان ينجم يغدر كانت تقولي يا ساجده انتي مشاء الله عليك مزيانه نحبك تكون فايقه اعرف شكون تخالط عيش اختى راني قريت قبلك ف فوايي وفاك ونعرف شمعناها طفله صبيه تبعد على دارهم و تمشي للذيوبه

كنت خايفه من كلامها اما قويه من داخل

اصلا مش ساجده لتخاف انا ساجده لبلونده شعري اكحل و طويل عيني كحل و شوافري طوال فمي قد طرف منيش ضعيفه و منيش سمينه

سااااجده سمعتني باهي باهي فرح

فهمتك والله منثقش ف ناس و نعرف شكون نصوحب باستني و خرجت

عملت طله على فاليز تاعي و حطيت اوراقي تاع ترسيم ف ساكي مشيت غسلت سنيا و شديت فرشي نستنى ف نهار غدوه بالدقيقه والدرج.....





بسم الله بسم الله ياربي تفتحها ف وجه بنيتي ياربي متحرمنيش منها ياربي توفقها و تنجحها حليت عيني على دعوات امي ستة تاع صباح

كنت نتكسل صباح خير ماااااا

صباح الخير بنتي هيا قوم قوم افطر بش يوصلك بوك للمحطه

قمت ملفرش غسلت وجهي توضيت و صليت و مشيت للكوجينه نفطر

اما منجمتش خاتر حاسه قلبي مقبوض حاسه روحي خايفه و مربوثه مناش منيش عارفه

قعدت ناكل و نخزر لامي و بابا وشاده دمعتي بالسيف قدامهم بعد تسعتاش سنه بش نبات بعيده عليهم لا وزيد بش نبدى من اول وجديد وانا وحدي معنديش اكا خووو اكبر مني يوصلني و ينصحني

كملت فطرت بدلت دبشي وخرجت نلقى بابا قدام باب يستنى فيا عطيتو فاليز حطتها ف تاكسي و حللي باب تاكسي كنت نخزر لامي مشباك قتلها باي بيدي

و مشات تاكسي هزتني و انا قلبي مع امي والله احساس خايب شعور بالوحده و زيت انا اول عام هذا

وصلني بابا للمحطه خذيت لوجاج هبطتني ف تونس و من غادي بدات رحلتي

......


واقفه قدام الفاك نعرش علاه خايفه اما مالازمنيش نظهر شي هذا

سملت باسم الله ودخلت

لبره كلها كوبلاوات و لكراهب اخر صيحه و انا حسيت روحي حاشمه توحشت امي توحشت بلادي وبعد تفكرت لازمني نقرى وننجح و نطلع مهندسه كيما حلمت

مشيت للاداره رسمت روحي وتعديت للمبيت بش نزيد نريقل دبشي بصراحه اول مدخلت للبيت زدت خفت اكثر نسمع ف ضحك تاع لبنات و الي هذا تنبر على لخرى دخلت مطبسه راسي

حليت لبيت تاعي نلقى طفله تنظم ف دبشها هي زاده

سلام اختي

سلام مرحبا بيك جديدة انتي هوني

اااي اي جديدة وانتي

حتى انا كيفك جديدة اسمي يسرى

وانا ساجده

وااااو محلاه اسمك ساجده هههه

عيشك عيش اختي يحلي ايامك

هيا مشيت تقرى

بصراحه لا لا رسمت روحي وتعديت للفواياي بش نحط شوي دبش و مبعد نرجع للفاك

باهي هيا انا بيدي ماشيا للفاك اما اسمعني منكلمو حد و اني انا وياك مع بعضنا والله انا بيدي طفله عاقله و متربيه و ديما ندعي لربي يجيبلي بينومتي كيفك متربيه وباين فيك عاقله

بصراحه ك سمعت الطفله كيفاه تحكي فرحت فرحت على لخر قلت واخيرا لقيت شكون يونسني وتو شوي شوي نتعود على سيستام جديد

رجعنا للفاك

بيييييييب بيييييب بعد ربك ماكش تشوف حل عينك

هبط شباك الكرهبه و هبطلي واحد طويل و خشين بدنو مسكل شعرو موقفو بالجال لابس شوميز bleu و سروال مقطع ف blanc و كونفارس حط lunettes de soleil فوق راسو وبدا

اه ما و لباس واقفه ف كياس بش نتعدى نحط كرهبتي ف باركينغ تاع فاك وانت جايا م الريف للعاصيمه خخخخ توقف قدام كرهبتي بدا يحكي و يرمي ف يدو عليا

هبط يدك كسره وضربتو عل . .......

قعد متكونسي ف بلاصتو و خاطه يدو على.. وصحابو كيخ كيخ عليه بالضحك

مشيت وخليتو اه ق.... وراس والديك الا متتكلفلك غاليه يا كلبه تفييييه عليك وعلى والديك

دخلت لل اونفي خذيت اول كور عجبني جو يجي فوق الفين تلميذ نقراو مع بعضنا بديت نتعود

خرجت انا ويسرى مشينا ل buvet

اول مدخلت لعينين لكل عليا نسمع ف زوز بنات يحكيو

اي اي هذي القطعه تاع الصباح

ت لا لا غالطه

لا يبنتي هي بيدها لشعرها نوار و طويل هذيكا لبيضه

لحظه لحظه نثبت

اي اي بالرسمي هذي الي ضربت اكرم عل.........وووووه خخخخخخ خزرتلهم هبطو رووسهم وسكتو حسيت روحي عندي سلطه ف فاك ههههه بمجرد خزرتلهم سكتو و عملو رواحهم يتفرجو ف تالفون

يسرى هيا نمشيو عباد حشاك متستاهلش

نخزر من بعيد ل طفل تاع صباح

جايني قعدت جنبي وقال

اه هههه انت مره اخرى بفففف شتحب تو انت كنت نحكي و نخزرلو ف عينو

بصراحه عجبتني ضربه تاع صباح ماضبيا تعاودهالي اما وحدنا و بطريقه اخرى

حطيت تالفون و قتلو اه بون صارا هذا الي بيك صديقي نعمل هكا و نطيش على وجهو كاس jus و فراز ههههه وجهو ولا كلو روز

قتلو ههههه اوكا متاع صباح اما بطريقه مختلفة هزيت يسرى وهي ترعش بجنبي يا ساجده شعملت

يسرى امشي واسكت تخافش لازمناش نسكتو عليهم ناس هاذم

قتلي يا وخيتي طفل رديتو كاركوز وسط صحابو

نسمع فيه يصيح و صحابو يضحكو عليه كلعاده و انا معلبليش خاتر هو لي بدا و يزيد بأنا حق يمسني و برا انا وقفت قدام كرهبتو محسوب كان هو كسب كرهبه

روحت للفواااياي بعد نهار طويل لحاصل وليت مشهوره ف فاك


اه كروووم شنحوال.......

بيرم بربي فوتني زح

لولاد يحكيو و يضحكو على اكرم وهو يتكيف مغزل والله متشوف شنعمل فيها و الله مندمها ف نهار ليجات فيه للفاك راني اكرم عشور ولد 24 سنه تجي فرخه بروميار اناي تعمل فيا هكا ت انا ب خزره نذوب ألف كيفها و الله متشوف

بففف بربي يا اكرم طفله هذي مش منوع الي تنجم تغلبهم ت حسها صعيبه و نتتقربش وزيد متسكتش على حقها بروجوليه يعجبوني لبنات الي كيفها

الووووو كرومتي

وي شكون معايا

اكرم انا سيرين نسيتني ياخي

اه اه اي سيرين اي وشتحب تو

اكرم شنو شنحب نحبك نقابلك وزيد توحشتك

باهي باهي نتقابلو ف بلاصه تاع لعاده

لو لا د ا يا نخليكم عندي منعمل

حتى هو شي ابجل من شي صديقي بيرم يحكي ويتمقصص على اكرم

خلاهم و خرج ماشي لل دار الي مستانس يقابل فيها ف بنات الي يجيو على اساس يقراو كيما يقول هو مريف للعصيمه ياخذ شيحب منهم و يطيشهم و سيرين يعرفها ملي جات صغيره للفاك وديما يفسدو مع بعضهم

هبط ملكرهبه يلقاها واقفه قدام باب تستنى

مشات ترمات عليه توحشتك توحشتك

باهي استنى حتى ندخلو جبت معاك ل. Protege

اي اي هاو ف ساكي تحكي و شادتو من ظهرو و يدها لخرى تحل ف شوميز تاعو لحاصل دخلو و تعدات ليله زرقاء مع ه سيرين هذي


يسرى قوم عيش اختى نمشيو نقراو

ساجده والله منجم امشي انت انا réglé ليوم و حتى ساقي نجمش ناقف عليها

بستها من راسها غطيتها مليح و عمتلها تيزان قتلها تشربها وخرجت

وانا ف ثنيه كلمتني امي قتلها انا لباس و طمنتها عليا و قتلها لبروفات حبوني و راني تعرفت على يسرى بنيه محلاها و متربيه قتلي الله يصلح رايك بنيتي

مشيت للفاك دخلت خذيت كور نتاعي و مشيت كالعاده لل buvet

اه اه راسي

سيرين اسكت خليني نرقد

يا اكرم حاسه روحي تاعبه ع لخر وراسي بش يطرشق بفففففف

اكرم وسيرين راقدين فوق فرش لثنين عرايا و متغطين بملحفه و سيرين راقده على صدرو و تبوس فيه من رقبتو وهو يتكيف

نحي دخان اكرم عمالي عيني 




اسمعني سيرين

وي اكرم

نحبك تعاوني

فاش

نحب ننتقم

باستو من فمو من شكون ننتقم اكيد سيرين تنفذلك المهمة وعلى اكمل وجه

قلها باهي باهي قوم نمشيو للفاك و غادي نفهمك كل شي

قام حطه ملحفه على حزامو ودخل يدوش

قامت ف جرتو استنى اكرم اني جايا معاك حلت عليه. باب ودخلت كملو سهريه لبار ح ومره هذي ف دوش


الووو يسرى لباس تو ماما

اي اي حمد لله خير شوي يعطيك صحه على تيزانا والله فرهدتني

ا يا باهي حمد لله ارتاح و ك نجي تونفهمك كور باهي عيش اختي هيا نعطلكش بسلامه

باهي باي باي

حسيت روحي فاده مشيت للمكتبه بديت نطالع و مبعد تعديت نقرى للفاك

اهلا اهلا بأحلى كوبل

سيرين و اكرم جاو شادين يدين بعضهم

سيرين تشوف فيها هذيكا

اي اي اكا لابسه pull ف غوز

اي اي هذيكا يحكي و يوشوشلها ف وذنها

سيرين تخزر شارده ف ساجده حستها ازين منها و طفله باينه صعيبه

قتلهم يا جماعه نخليوكم تو هععه

هزت اكرم من يدو و بدات تحكي

تقوليش طفله بيضه اذيكا الي عملتلك فازه وقت انا كنت غايبه

اي اه سيرين هي بيدها

قعدت سيرين شاده يد اكرم و تخزر ف خزره تاع شر ل ساجده

تخافش حبيبي نوعدك ناخذلك حقك منها و كان متجيكش تترجى فيك ميكونش اسمي سيرين



سوار فيسع فيسع ايجاني .

نعم يا سيرين

اسمعني نحبك تجيبلي دوسي مفصل على طفله ماجده ولا س ساجده ولاشنو

اش بيك شتحب منها راي اذيكا طفله ماركه تمحريث و زيد مش من جونا

اسمعني جيبلي عليها دوسي نحب نعرف عليها كل شي

باهي صديقى شوي آخر و نجيبلك عليها تقرير مفصل

مشات سوار تنسنس على ساجده

عرفتها الي هي جات م ريف وتقرى هندسه معماريه و بينومتها اسمها يسرى

مع سته و نص تاع لعشيه تقابلو شله ف ريستو كلعاده

سيرين هات

شنهات زاده

هات ثمنين دينار ههههه حق التنسنيس على ساجده و لورقه هذي فيها معطيات لكل عليها

خذات سيرين ورقه و طواتها حطتها ف كرشها ورجعت مع شله

كنت قاعدة في بيرويا نريفز فيسع فيسع جات دفوارات و انا لازمني نحضر روحي بش ننجح

قعدت لنص ليل وانا نحضر بجنبي يسرى كرشها عملت فيها و انا خفت عليها بصراحه

كانت تتوجع و تصيح يا ساجده عيش اختى ايجاني امانك

مشيتلها هزيت عليها بطانيه لقيتها غاطسه ف دمها تفجعت طفله قاعدة تنزف ملقيت منعمل اتصلت ب اداره جابولها اسعاف هزوها للسبيطار وانا معاها les règles جاتها قويه تفجعت عليها علخر لين دخلوها لبيت عمليات

كنت قاعدة و نرعش على كرسي ريت فرمليه خارجه ملعملبات مشات للبيرو لحقت عليها وانا بش ندقدق لباب نسمع فيها تقول

ياربي تسترنا و تستر بنياتنا يا سعيده وخيتي

اشبيك شفما

اش نحكيلك طفله تو جايبينها ف ambulance يا لطيف مطيحه صغير طبيب عمللها qurtage و قعد اكا حد و عليها ت طفله صغيره حتا عشرين سنا متعملهمش

انا طحت على قاعه بلحق تصدمت نتوقع كل شي الا انو يسرى توصل تحبل و ف لحرام بلحق اكا ليله مننسهاش

قمت ملقاعه و مشيت للبيت تاع يسرى و نخبي عليها ف دموعي


كان بيرم يدق ف لباب

مشيت حليت

دزيتو وقلت تفضل شتحب

بربي بربي يا ساجده خليني نشوفها

عملت عملتك ماو صحبتي اكاكا يصير فيها ف جرتك

يا ساجده والله برضاها

سكر فمك برضاها كان مش متبهنيس نتاعك و تسكبين طفله متصلبهاش على راسها

لين تحبل منك

باهي يا ساجده صار الي صار

خنشوفها

باهي ادخل و متعملش حس

كانت يسرى راقده و متغطيه ب طانيه لحال شتاء

مشاء قربلها طبس عليها باسها من رأسها حلت عينيها بدات تبكي عنقها

حشمت خرجت و خليتهم وحدهم

الووو ماما

اهلا بنتي لباس عليك

اي اي حمد لله

ا يا باهي وقتاه تروح

امي راني مزلت منروحش تو عندي تاست نعمل فيهم

باهي بنيتي ربي معاك

علقت تالفون وهبطت مشيت للحانوت نشري ف قضيه لعشاء

رجعت لقيتهم لتو يحكيو حتى ليل طاح بففف و طلبه عدك بيهم رجعو للفواياي و كان يشوفو بيرم خارج تو نوليو بنات بينا و علينا بففف ياربي تقدر لخير

زيد شوي و بيرم خرج باسني من خدي بش يطير بلفرحه قتلك شفما قلي نحبكم نحبكم ناس لكل



طلعت للبيت نشوف ف يسرى لقيتها بش طير بلفرحه

قتلي يا ساجده بش يعرس بيا

وتفاهمت اني وياه بش جمعه جايه يمشي يحكي مع دارنا

قعدت علفرش

اوووف اون فااان يا يسرى لخرى يسترك و الحمد لله لحكايه بش تتلم

حبيبي http://hikayattt.blogspot.com
شبيك سيرين خليني نسوق رايض

Bb. فيبالك توحشتك زح هيا نمشيو للدار تاع لعاده

سيرين قتلك تجيبلي تقرير مفصل على اذيكا مسجونه

هههه شكون تحكي و تلعب بشعرها

اه اه تقصد ساجده اكيد تقريرها حاضر

و مستحفضه بيه

وقف لكرهبه

صارا هو عندك هاااااات هااات

باهي اعطيني غمضت عينيها و قربت لشفايفو

بفففففف باسها بالسيف

وخذا لورقه من يدها عرف كل شي على ساجده دارهم خواتها و زاد اكثر حاجه مشجعتو على تنفيذ خطه نتاعو هي يسري

وي يسرى بينومتها

كملو سيرين واكرم ثنيتهم

حبيبي

نعم يا سيرين تحكي و تحللو ف قفالي شوميز

هيا نمشيو لدارنا

يا سيرين زح افهم شهر مبتش ف دارنا و انا كل نهار راقد معاك تحبلش مني زاده اسمعني راني منيش مستعد بش نكون بووو و نتربط و نعرس

سيرين هبطتت رأسها كلامو وجعها

خزرتلو وقالت هههه تخافش ماخذا احتياطاتي وجبدتلو باكو حرابش منع حامل

خزرلهم وقال

هههه ك لحكايه هكا هههه هيا نمشيو لدارنا واشرب بزياد حرابش يا سخطه بش نعديو ليله زرڨاء ههههع

باستو من رقبتو ههههه اكيد يا روحي


يسرى قوم عيش وخيتي معاش بكري علينا و ليوم عنا تاست والبس مليح دنيا بارده و اشرب دواك و اشرب تيزان

وووه يا سجوده هههه تحكي تقولش عليك ماما

اي هذا كفويا نخاف عليك يا سخطه

لبسنا كبابتنا و عملنا bonnéé ومشينا للفاك

و احنا ف ثنيه تعطى اكرم بكرهبتو و معاه نسرين طشونا بلماء

انا غزلت علخر

خرج راسو مشباك و قلي ههههمحلاك يا ساجده و لماء ا كاكا على سروالك

غزلت قتلو بصوت عالي

والله ماك راجل يا كلب

ساجده اسكت

يا يسرى تشوف فيه كيفاه يتمقعر عليا سخطه هذا

بفففف اه اه شبيك يسرى

كرشي يا ساجده حاسه حزامي يوجع فيا علخر

نورمال يا يسرى خاترت اجهضت بيبي حملتها و دخلنا للفاك

كملنا تاست و شطرو عديتو ل يسرى خاتر محضرتش كملنا تاست واخرجنا

بيرم و اكرم سوار و سيرين واقفين قدام باب الفاك

يسرى يسرى ايجا عيش روحي

تلفتت يسرى كان يناديلها بيرم

يا يسرى ايجا وحدك بربي

اكرم يحكي و يقحر لساجده

بفففف شيحبو مني هاذم يا ساجده وخيتي

تخافش يسرى برا اوكا بيرم يناديلك اكيد جاشتو بيك برا برا اني لقدام شوي نستتى فيك

مشات يسرى بحذا شله

وانا قلبي يضرب ف ألف نعرش علاه خفت كنت نمشي و مسخفتني

و ف لحظه رجعت قلت لا يسرى على نيتها منخليهاش وحدها ورجعت بحذا شله بش نجيب يسرى


ساجده حاسه روحي مخنوقه هيا نمشيو للبحر الي وراء الفاك

يا يسرى وخيتي دنيا مطر اش من فاك و اش من بحر ت انا يظهرلي منيش ماشيا نقرى جمله

بففف يا ساجده امان هيا نمشيو للبحر

خذيت بخاطرها و قتلها باهي هيا

كنا راكبين ف تاكسي و نخزر ليسرى تقولي سمحني والله خاطيني سمحني

بفففف يا يسرى ميسالش هيا نمشيو للبحر انا بيدي قالقه تو نشمو هواء جديد

بيرم عملت الي قتلك عليه

اي يا اكرم زح حرام عليك

بيرم وهي مش حرام عليها تضربني من ز....

مش حرام تهنيني اي لكن يا اكرم مش بطريقه اذيكا وانا قلت ليسرى تجيبها بش يتمشاو على بحر والله مسخفتني ساجده

بيرم عيشك ايجا للبحر ساجده تهبط م تاكسي وانت هز يسرى و روحو يا اكرم زح قلت ليسرى نعرس بيها الا متجيب صاحبتها والله مسخفتني زح اسمعني اسمعني بيرم ضميرك طول عمرو راقد مش بش يفيق تو وبدينا نكملو و تو انا هاني ف بحر كيما وصيتك

يسرى و ساجده وصلو للبحر لمطر تصب الرعد ف سماء يخوف

هبطت ساجده م تاكسي تلفت لقات تاكسي مشات بدات تصيح ياكلب ارجع صاحبتي ارجع مشات تجري وراء تاكسي خايفه على صاحبتها و مش خايفه على روحها تلفتت لقات اكرم يجري وراها ايجا هوني ايجا و لمطر تصب كانت تجري و هاربه منو لحق عليها جبدها من شعرها

يا بيرم صاحبتي يا بيرم نحب نرجع يسرى تخافش اني معاك صاحبتك تو يتفاهم معاها اكرم لا لا لا يا بيرم غدرت بيها انا لوكان تجرالها حاجه منسمحش روحي

لمطر تصب سماء حزينه ملفوق ساجده هربت للبحر و كانت تقولو نموت شريفه و لا تمسني يا كلب يا هامل اكرم دخل وراها لبحر هايج يجبدها للغريق كانت تصارع ف امواج و تقول نموت شريفه لين بلعت لماء منجمتش تقاوم اكرم حب يخلط عليها يلقاها جثه فوق الموجه لمطر قصت تعدااا لغراب فوق راسو و كاينو لغراب فاهم الي قاعد يصير اكرم اكرااااام شعملت يسرى جات تجري و وراها بيرم لااااا لاااا متقوليش ساجده ماتت متقوليش ساجده غرقت ااااااااأاه سامحني يا ساجده راك ف جنه و انا الي غدرتك ف نااااار كانت يسرى تبكي و تصيح و تقطع ف شعرها تقرب للحافه تبدى تصيح اكرم قاعد على ركايبو يضرب ف راسوووو موتها اثر فيه و كيفاه تصارع ف امواج منجمش ينساه

#انا ساجده جيت نقرى ف لفاك غدرتني اعز صحابي خرجت من دارنا كيما اي طفله غايتي نقرى و نتخرج و نخدم وليوم رجعت ال دارنا ف صندوق الله يهلك الي كان سبب و اي انسان ينجم يغدرك و يرميك للذيوبه كيما عملت يسرى .... لبنات الاعلانات هذي هيا لي تعاونا باش نستمرو في الموقع بليز كليكو و طالعو عليها باش تعاونونا




النهايه

كلمة الكاتبه :

يا سيدي غايتي ملكرونيك نحكي علفاك و بنات الفاك و جوووو الفاك بووون الفاك عالم كبير وانت شنو تختار لمهم حبيت نحكي على اصحاب الفاك الي ينجمو يغدروك على مصلحتهم كيما عملت يسرى خاتر بيرم وعدها بلعرس ثانيا حبيت نحكي عل بنات الي تبات مع لولاد و تشرب لحرابش بش متحبلش و ثالثا حبيت نحكي علبنات لخرين الي ينجم يبرولها اي طفل بكلمتين و تصبح حبله منو كيما شخصيه يسرى كرونيك ليوم مش طويله ف نهار كملت لو صبرت راكم حجيتو

لمهم انشاء الله تكون عجبتكم وربي يبقي عليكم و عليا الستر و متنساوش ف دنيا هذي فماش اصحاب خاتر لاصحاب يغدروووو

الكاتبه : Maryam Houssam 
تحميل الحكايه لقراءتها على الهاتف