زواج على ورق (مرام و ايمن)

حب بعد الزواج فيها وجيعة كبيرة وحب كبير من طرف واحد مرام التونسية لي تحب ابن خالتها لي عايش في فرنسا واش رح يصرا بيناتهم

زواج علي ورق

 الكاتبة: غير معروف

♫ الحلقة 1 ♫

مرام بنية حنينة برشا من هي وصغيرة معروفة بطيبة قلبها كانو ولاد حومتها كل يحبوها كانو ينادولها "بطة" بحكم هي من صغرها كعبورة شوي كانت ماليانة وبيضة اما كانت مسرارة برشا عندها لي فوسات وعينيها بلون البحر ...كانت عزيزة امها وبوها علي خاطر هي الصغيرة متاع الدار عندها خوها محمد لكبير و نور اختها لي اكثر منها

مرام ملي كانت صغيرة كانت تحلك انها تسافر للخارج وتكمل قرايتها كانت تقرا مليح خذات لباك بمعدل باهي ودخلت للفاك و طلبت قداش من مرة لفيزا اما رفضوهولها ....

مرام كانت عندها خالتها مليكة لي تسكن في فرانسا وكانت تحبها برشا ملي وهي صغيرة وكانت ديما تقلها بلي تحي تاخوها لولدها ايمن

مليكة كانو عندها ثلاثة ولاد عادل و رياض و ايمن لكبير لي كان ماخوها في روحو برشا عندو لحق حتا هو يفتق هاك الطول وهك لبدن وهاك الوهرة كان يخدم في بانكا كان يبان ياسر كلاس هو اكبر من مرام ب 6 سنين ولادها كل كانو مزيانين اما ايمن كان ياتيري برشا و لبنات راح تهبل عليه هو كان من النوع لي يصوحب برشا بنات ويعشق الزين ......

مرام كانت تعشق ايمن ملي هي صغيرة اما عمرها لا بينتلو كانو كل وين يجيو يعديو الصيف بحذاهم تعود ميتة بالفرحة اما فرحتها ماتمش علي خاطر كان ايمن ديما ينبزها ويعايرها بسمنها كانت تحشم برشا وتعدي اليلة كل تبكي اما هذا مانقسش حتي طرف من واحد

 

الحلقة 2♫ كيما قلتلكم مرام كانت في عامها لخر متاع الفاك وكان وقتها عرس اختها هذاكا علاش هبطت مليكة وايمن لتونس باش يحظرو للعرس .وزيد ام مرام لي هي حسينة كانت تاعبة شوي ماتنجمش تحظر للعرس وحدها يلزم تعاون اختها ......وهنا باش تبدا حكاية مرام وايمن وعذابها معاه.... مرام كانت فرحانة كي جا ايمن مع امو اما كان مطفيها كانت تحاول بكل طريقة انها تجذب انتباهو اما هو ماكانش يشوفها اصل ماهيش ستيل متاعو هيا بنية مليانة وهو يحب لفينو وزيد بنت خالتو مايحبش يخالطها برشا..... مليكة كانت فاهمة بنت اختها وحاسة بيها من نظرة عينيها و كلامها علي ولدها فضحوها و زيد وين تقلها مليكة مايخذك كان ايمن تزيد تحمار وتحشم ايمن كان ديما يعارك في امو ايمن : تي يا ما هبلت انت وين تشوفها بحذايا تقلها مرت ايمن تي راي تصدق الطفلة مليكة: علاه اشبيها اش خاصها زين وعين وبدن تي قاعدة تهبل ايمن: اي تهبل صح لي يشوفها يهبل من سمونيتها مليكة يعطيك دا كان هذبكا سمينة بنيتي قاعدة كي لغزالة انت لي ماتعرفش في النسا نهار ربي وانت غير مع لمسمامة واختها وهاني نبه عليك من تو راك ماتاخوها كان هي ايمن: امي ياخي عندك كان انا تي هو رياض ولا عادل ام يحبوها و الله لما يفرحو بيها مليكة: و الله لا تحشم بزايد معاك الهدرة قوم اقلب منظرك من قدامي جات السهرية مرام لبست روبة جتها تفتق ودارت مكياج جاها يهبل اول مرة دير هي بنية مليانة اما ماهيش سمينة وزيد بيوضيتها واك لي فوسات زادو فيها النص ..... ايمن كي شافها دخلت قعد يثبت حاب يشوف علاش امو مصممة عليها ايمن يحكي بينو وبين روحو :هي يعني ماتخيبش اما ماش النوع متاعي تي باينة مغطية كارثة تحت هالروبة لي لابستها فات لعرس وعقب يفتق مرام كانت زاهية عالخر دارت حالة بالشطيح ايمن كان ساعة ساعة يغزرلها وهي تشطح اما شي مش عاجبتو حتي طرف ....... روحو ايمن ومليكة لفرنسا وفات شهر ام مرام تعبت برشا بعد العرس وزاد عليها الحال كانت الدوخ برشا دارولها سكانير وكانت الصدمة حسينة عندها كونسار لخبر هبط عليهم كي الصاعقة مليكة دوب ماسمعت بالخبر هبطت تجري لتونس لاختها لوحيدة حبت تواسيها وتكون معاها مرام حالتها كانت تسخف علي امها باش تموت هي في بلاصتها...... مليكة وهي تبكي: سملة عليك يا وخيتي علاش ياربي حسينة تسكت فيها وهي بايدها دموعها هابطة: هذا لي مكتبهولي ربي اللهم لا اعتراض سكتت حسينة وشوي وابعد قالت لمليكة: مليكة يعيش اختي راح نوصيك وصاية علي حياة علي موت ما نوصيك كان علي مرام راي مومو عينيا كون كان يقدر ربي وتصرالي حاجة لما تموت راو قلبي حارقني كان عليها علبالي بوها وخيوتها مايخلوهاش اما نحب نتهني عليها قبل منام عيني مليكة فهمت حسينة اش تقصد: اسسسس يعيش اختي ربي يطولك في عمرك وانت لي تحظرلها عرسها وتفرحلها بزغارها زادة ..... قعدت مليكة ايامات مع اختها وبعد روحت دوب ماخلطت ماضيعتش وقت مليكة: ايمن يعيش ولدي ايجا حاشتي بيك ايمن راحلها وراح تكا عندها حط راسو علي فخذها كيف لولاد الصغار: اشنوة مليكة باين راح تطلب مني حاجة صعيبة

الحلقة 3 ♫ مليكة: يزيتشي من التبوليد اي راح نطلب منك حاجة اما هي حاجة ساهلة برشا .....نحبك تعرس بمرام بنت خالتك ايمن تخطف وقام يغزرلها حسبها تفدلك وكيف كل مرة: امي تحكي بجدك تعرف راي في الموضوع هذا وزيد في بالك بلي راني مع كاترين تو يزي امي يعيشك راك كرهتني فيها الطفلة من غير ما ديرلي شي مليكة غزرتلو وعينبها تعباو دموع : لا مانيش نفدلك وكان حاب نرضا عليك خوذلي بخاطري و الله ماتندم خالتك بين حياة وموت و وصتني عليها و كون كاشما يصرا لخلتك و الله لا نسامحك ولا نسامح روحي.... ايمن صحيح كان ولد فرنسا اما ربتهم امهم علي عاداتنا كان يحب امو برشا ومتعلق بيها بحكم هي ربتهم وتعبت عليهم بعد ما بوهم مات وخلاهوملها صغار ايمن: يامي يهديك هاو عادل و لا رياض علاش كبشت فيا انا مليكة: لا مرام تحبك انت وماتاخوها كان انت ايمن: كيفاش تحبني تي كان كثرت حكيت معاه كلمة ولا كلمتين مليكة دموعها زادو هبطو وسكتت ايمن حس قلبو عصر عليهعمرو ماشاف امو هك موجوعة من موت بوه ايمن: باهي امي دير لي تحب عليه مانحبش نشوف دموعك باسها من راسها وهي تبسمتلو مليكة: الله يرضا عليك يا وليدي روح يفرحك كيما فرحتني والله لا تندم يا ايمن خوذها وقول امي قالت ايمن : باهي امي لي فيه الخير مليكة: ايمن لعرس راو بعد جمعتين خالتك عمرها مش مضمون وانا نحب نفرحها قبل مايصرالها شي ايمن عاطيها باظهر تصدم مش حاب يوريها الغش لي في عينيه مش عارف اشنية هالكارثة لي نزلت عليه قعد يتفكرها كي شافها في العرس حاول يقنع روحو اما شي تي مش متاعي اذيكا خلاص غمض عينيه وجاوبها: باهي اعمل لي تحب عليه مرام كي عيطت خالتها وقاتلهم مش مصدقة تي راو حب حياتها لي حلت فيه عينيها لا عمرها حبت ولا صوحبت هو كان كلشي بالنسبة ليها...... مرام: امي مثبتة انت لي هو لي حب عليا مش خالتي لي حتمت عليه حسينة: بنيتي هاك سمعت خالتك اش قاتلي قاتلك دوب ماقتلو وافق طول

♫ الحلقة 4 ♫ بعد جمعتين (العرس) مليكة هبطت لتونس قبل ولادها باش تعاون اختها ومرام في العرس مرام من الفرحة وتحضيرات لعرس ماخذاتش في بالها بلي ايمن ماكلمها حتي مرة ولا بينلها بلي حاجتو بيها..http://bit.ly/2MIJ7ai. نهار العرس مرام جت تفتق ولي زاد زينها بيوضيتها وهي مليانة جاتها روبة تفتق ناس كل كي شافتها شهقت في زينها بحكم هي اول مرة تحصر حواجبها وبدلت لون شعرها دارتو في لميال لي زاد بينلها لون عينيها وفمها المليان لي دارتو بالروج لحصيلو كعبة ايمن ماكانش بعيد عليها بهاك الكوستوم لمسنتر علي بدنو وطولو لي يعشق لي تشوفو تعشق فيه ولا لحيتو لخفيفة لي زادت فيه النص ...... علي قد ماحولتو امو باش يجيبها اما هو رفض يخي راح عادل خوه جابها هي كي شافت عادل قلبها تقبض و بقت تخمم لفم رجعلها شاهد لعقل وتفكرت بلي ايمن لا عمرو لا كلمها ولا صقسي عليها تفكرت كي دخلت تسمع في امها وخالتها يحكيو وامها تقلها والله ماننسي معروفك هنيتني علي بنيتي فهت كلشي حست بغصة حست كان دمعتها سخونة مش هذا لي كانت تحلم بيه مش هذا لي كانت تستني فيه .....وصلو للصالة ايمن كان يستني فيهم لبرا دوب ماشافها تصدم حس روحو لبو لعرق عمرو ماراها بهالزين تي هاي ظهرت مش سمينة صرها كان نصو عريان من الروبة قعد يغزر فيها وفيمها لمنفوخ بالروج فيقو رياض كي ضربو من كتفو : صح ليه خويا والله امي ربي يهديها كون خذتهالي انا برك ايمن حس روحو تقلق شوي اما : والله مازال الوقت انقضني عيش خويا من الورطة هذي ..... هو يهدر مرام كانت وراه سمعتو قلبو تحسو تكسر ماعادش فيها حبت تصيح وتقلهم بلي ماعادش فما عرس مش حابة تحتم عليه روحها اما كي شافت امها والدمعة لي في عينيها مانجمتش تتكلم...... كاتب العدل :ايمن بن...... هل تقبل ب مرام زوجة علي سنة الله ورسوله..... ايمن: اقبل مرام: هل تقبل بايمن زوج لك علي سنة الله ورسوله مرام قعدت ساكتة لكلمة لي ستنت تقولها عندها سنين مانجمتش تخرج علي خاطر علبالها ما يحبهاش مرام: ااا .....اقبل...

 

الحلقة 5😊ركبو في الكرهبة باش يروحو لوتيل ايمن كان متوتر كيفاش راح يعمل معيها الليلة ولي زاد حيرو سكوتها ملي ركبو في الكرهبة وهي ساكتة ودموعها هابطين تخمم اش باش تعمل في هالمصيبة لي تحطت فيها هو ساعة ساعة يخطف منها غزرة ومثبن في زينها وبدنها ولحمها لبيض حس روحو اول مرة يشوفها اشبيك يا ايمن راح تسخف عليها خلاص تي مش نوعك راهي وبعد كسرت حاجز الصمت مرام: ايمن في بالي بلي ماخذني بسيف عليك والي امي وخالتي حتموني عليك مانيش راح ننكر الي نحبك ونحبك برشا انت اول حب في حياتي واخر حب اما ماتخافش ماني طالبة شي منك تقدر تعتبر روحك مازوجتش بيا اليوم كل واحد يعيش حياتو كيما يحب اما نطلب منك حاجة وحدة ماتبينش قدام امي برك مانحبهاش تشغشب عليا وهي مريضة ..http://bit.ly/2MIJ7ai. ايمن: فاش قاعدة تحكي مرام.......قصت عليه مرام: كي نروحو لفرنسا تقدر ترجع لحياتك ودير لي تحب عليه انا راح نكون مجرد مرتك علي ورق........وكان تحب طلقني مايسالش زادة انا قابلة باي قرار تاخذو اما خليلي الوقت باه نواجه امي برك .....كانت تحكي وتغزر للشباك ودموعها هابطة من الوجيعة لي تحس فيها في قلبها ايمن تصدم ملي يسمع فيه تي هاي ظهرت اشجع منو اما لي زاد كبرها في عينو انها اعترفتلو بحبها من غير ماتحشم ايمن : تي قول هكا حابة تروح لفرنسا باش دير رايك هنا مرام غاضتها روحها دارتلو وقعدت تغزر فيه والدموع هابطين ماحبسوش كانت تغزرلو بنظرة كلها حب وكلها حنية ماتنجمش تكرهو تحبو وتعشقو زادة ......كانت تحكي بينها بين روحها وهي تغزرلو: انا ندير راي يا ايمن عمري لا نطيحلك قيمتك وعمري لا راح نخلي راجل يقربني ولا يمسني من غيرك اما الله غالب كلشي بالمكتوب.ايمن فهم من غزرة عينيها لاول مرة يثبت فيه فهم بلي هي موجوعة بلي مش حابة تقول الي تحس فيه تو سكت ودور وجهو وصلو للاوتيل دخلو للبيت مرام تلقي لبيت مزينة ورد وشموع قلبها زاد عصر عليها راح تموت بقهرتها الليلة لي ستنتها وهي تحلم بيها راح توليلها اخيب ليلة في عمرها ...... ايمن : خو راحتك اتو نخرج نطلب لعشا ونجي مرام ماجاوباتوش كانت تستني فيه باش يخرج باش تفرغ لي في قلبها.....دوب ماسكر الباب ترمت فوق فرشها تبكي بالصوت علي زهرها علي حبها لي من طرف واحد علي حياتها لي راح تعيشها في جحيم ايمن سمعها من ورا لباب حس بروحو ظلمها ووجعها اما ماينجم يعمل شي ماهيش باش تقبل منو شي.... ناظت تفارعت مع روبة مانجمتش تحلها من الغزول فتقتها حتي تحلت فركتت في قشها ماتلقي كان المعري لقت روبة وحيدة اما ضيقة وقصيرة ماعندهاش حل اخر خير من نويزات دخلت دوشت ونحت ماكياجها حلت شعرها لي يوصل لظهرها وقعدت فوق الفرش ودموعها ماحبسوش حتان هزها النوم ايمن دخل للبيت يلقاها فوق الفرش راقدة بهت قعد يغزرلها مافهم شي تي هذي هي لي كنا نعيطولها بطة غريزتو غلبتو زاد قرب روبتها كانت طالعة علي فخاذها صدرها مفصل و كبير هبل كي شافها اول مرة يشوفها هكة لحمها لبيض وصافي كرشها بلا عندها غير ليفورم تفتق ياربي ولا فمها الروز وخدودها لي راح يطرشقو من كثر لبكا سخفتو وعجبتو اما كان ديما يكذب في روحو..... ماحبش يفيقها خرج قدام البيت وعيط ريسبسيو وقالهم مايجيبوش لماكلة ورجع دخل بشوي دخل دوش وخرج لبس شورط اكهو وترما بجنبها وهي مش فايقة دايخة من كثر مابكت......رقد بجنبها وقعد يثبت في كل بلاصة في بدنها حس روحو شعل لهب تمني ينحيلها لي لابستو كل ويستمتع بيها هز يدو و مسحلها شعرها لي كان مازال مبلول وريحة الشومبوا تفحفح منو عرف روحو راح يغلط ياخي دار للجيهة لخرة وحاول انو يرقد. اما مانجمش حرارة بدنها لي حذاه ماخلاشو يتنفس قعد يخمم كيفاش راح يعيش معاها وهو مايحبهاش وفي نفس الوقت مايقدرش يضرها هي بعد كل شي بنت خالتو كيفاش يدير وهو شاهيها اما ماينجمش يقربلها علي خاطر ماهيش كيف لبنات لخرين مايقدرش يفوت معاها ليلة وبعد يقلها وفا المكتوب هذي مرتو لي تحبو لي كون يزيد يقربها كلشي راح يتعقد تفكر غزرتها كي قلها حابة دير رايك اوجاعة لي حسها في صوتها كيف قاتلو نحبك اما كان حبيت طلقني ياربي هالطفلة زادت عليه وراح تصعب عليه برشا حوايج

الحلقة 6 ☺ فاقت الصباح وهي مفجوعة تلقي روحها بكلها معرية وهو راقد بحذاها قعدت تشوف فيه حست بفرحة لي حب حياتها راقد بحذاها اما فاقت مع روحها كي تفكرت كلامو مع خوه البارح قلبها وجعها حبت تحملو وتبوسو وتشم ريحتو اما ماتنجمش قامت راحت للدوش دوشت ركحت امورها لبست دجين لبست روب بروتال في بلو نوي سيبت شعرها دارت شوي ماكياج وخرجت دوب ماخرجت تالقاه ناض وطلب لفطور مرام: صباح الخير ايمن: مرام صباح الخير ايجا تفطر مرام: لا ما عينيشhttp://bit.ly/2MIJ7ai ماحبش يكثر معاها الهدرة دخل دوش لبس دبشو وخرج فطر وقالها هيا نروحو لدارنا في الطريق ساكتين واحد مانطق كلمة حتي نطق ايمن وهو متردد: مرام كووووون يسقسيوك علي ليلة لبارح......ماخلتوش يكمل فهمتو وجاعتها زادت كبرت كي تفكرت بلي هذي هيا حياتها بلي راح تعيش في كذبة: تهني ايمن حد ماراح يفيق بلي بيناتنا انا راح نكمل معاك الكذبة وكي نروحو لفرنسا تحب طلقني مايسالش.........وهبطتلها دمعة تحرق علي خدها هو فهمها وحس بلي وجعها اما ماكانش يقصد ماحبش امو وخالتو يمرجوها بالاسئلة في بالو بلي تحبو وتموت عليه وكلمة طلاق منو تقتلها وين تقولها دموعها تهبط...... فاتو شهرين: روحو لفرنسا مرام وايمن عايشين في دار ايمن وحدهم وكانو قراب من دار خالتها مرام و ايمن تقربو شوي من بعضهم اما كيف صحاب وبرا مرام من كثر حبها لايمن ماحبتش تحسو بالذنب وبلي هي قاعدة تتعذب ديما تضحك ديما لاهية بيه ماتخلي ماتعملو اما كانت كل يوم تموت الف موتة كي تشوفو حذاها وهي ماتنجمش لا تمسو ولا تقلو اش تحس كل اليلة تبات تبكي وهي تسمع فيه يحكي في التاليفون مع بنات ويتفاهمو علي سهريات كانت تستناه ماترقد كان كي يروح ايمن من ناحيتو تعلق بيها برشا اما لتو لا فاهم روحو بعد مارجعو لفرنسا رجع لصحابو والشلة تاعو والسهريات ياخي نسا روحو اما كان ديما يحس روحو محتاجلها يحب يروحلها يحب يحكي معاها كل يوم يكتشف فيها حاجة عرف بلي هي حنينة برشة و بلي هي سونسيبل اما ماتحبش تبينلو وين تغزرلو يحس بحبها ليه في عينيها هو فايق بيها اما خايف يقربلها يعذبها خايف لا يكون شاهيها برك وين يطير النفحة منها يطيشها زي لبنات لي عرفهم كل اما هي ماينجمش يظرها بنت خالتو مليكة كانت فايقة بلي صاري كانت تشوف لوجيعة في عينين مرام كل وين تجيها وكانت حاسة بولدها متبدل كي يحكي علي مرام موش كيما قبل تحس في صوتو لي هو يحبها وتعلق بيها قعدت تخمم برشا وبعد قررت تجرب ولدها حبت تزعزو كاشما يتحرك.....عيطتلو قاتلو ايجاني حاجتي بيك مليكة: وليدي في بالي بلي صاري كل راو كان تحساب مش شالقة بيكم علاه لبنية مسكينة تحبك راي ايمن تفجع: امي فاش قاعدة تحكي مرام شكتلك من حاجة مليكة: لاا بنيتي اذيكا مسكينة ماتشكي من شي اما عينيها فاضحينها نفهمها من وهي صغيرة .....شوف عيطلتك باش نقلك كلمتين علبالي بيك لتو لا مسيتها ايمن: امي......... مليكة: اسسسسس خليني نكمل هي مازالت صغيرة وانت راح تردمها بالحياة من حقها تاخو راجل يحب عليها وتجيب صغار وليدي كان ماحجتكش بيها وكان بعد شهرين زواز مانجمتش تحبها طلقها وخليها تشوف مكتوبها....... ايمن كي سمع طلاق حس دم طلعلو لمخو وانا راجل لي يحب عليها هي متاعي ومايمسها حتي راجل فيقتو امو من سرحتو: وليدي شبيك سكت موافق ايمن ماحبش يفيق بروحو ضحكلها: اما راجل امي ماتقليش لقيت عريس لمرت ولدك مليكة عرفتو بلي غار لي كانت تحوس عليه وصلتلو: اي وليدي عاد مانكذبش عليك كي ديتها هاك الليلة معايا لعرس بنت طاطاك نجاة هبلو عليها وجاتني مرا تسخايلها بنتي قاتلي بلي ولدها هبل عليها وحاب ياخوها ....... ماخلاهاش تكمل كبس عل ايديه: هيه وانت اش قلت اش جاوبتها لمرا مليكة: اش باش نجاوبها ماحبيتش نقلها بلي هي مرت ولدي اما قلتلها بنت اختي جت ايامات بحذايا وعطيتها نومرويا لمرا كل يوم مارجتني و ولدها راح يهبل علي مرام ....عاد وليدي قلت انت ماتحبهاش وماعينيكش فيها خليها تشوف حياتها مع لي يحب عليها ايمن جن كي قاتلو امو هكة عينيه حمارت وعينيه راح ططرشق من الغزول وزاد تفكر ليلتها كي شافها بالروبة لي لابستها لي لاصقة في بدنها مفصلتها وكيفاش هو عشق فيها كي شافها وحب يقللها لا ماتروحش وماتلبسش هكة مانحب حد يشوفك هك اما مانجمش...... ايمن: برك الله فيك امي .....وهز روحو وخرج منغير مايزيد حتي كلمة يسوق ويرحي في الطريق هبل كي فكر بلي هي تنجم تطلب منو الطلاق وتعود ملك راجل واحد اخر حبها وماعادش ينجم يخبي ولا يكذب علي روحو لازم يحاول يقربها لازم يحسسها بحبو ليها كيما هي محستو بعشقها ليه ........اما الدنيا مخبيتلو مكتوب اخر...... دوب ماوصل حل الباب تصدم شكون قاعد فوق الكانابي : كاااااااترين اششش تعمل هوني كاترين كانت صاحبت ايمن قبل لعرس كان ناوي يعرس وماقطعش علاقتو بيها بعد العرس وكان حاكيلها كلشي علي علاقتو بمرام بلي هي تحبو وهو لا وبلي مامسهاش وبلي راح يطلقها وياخوها هي اما ايمن تبدل معاها وعاد يتهرب منها يخي قررت باش تتصرف بيها كاترين امها فرانساوية وبيها تونسيhttp://bit.ly/2MIJ7ai مرام كانت تحظر في لغدا لايمن كيف كل يوم كانت تستنا غير باش تشوفو وتحكي معاه متوحشتو سمعت لباب نوقز عرفتو بلي خاطي ايمن هو عندو مفتاح الدار حلت تلقاها بنية ماحلاها طول وزين وتايها يفتق تقول طوب موديل

 

الحلقة 7 ☺ مرام: bonjour je peux vous aider كاترين قعدت تغزر فيها وباهتة تي هاي مش كيما وصفها ايمن طفلة ضعيفة عندها جوست دي فورم وزيد زينها يفتق فيها لي تري تاع ايمن بعد فاقت مع روحها: ايمن هوني....حكت معاه بالتونسي مرام كي سمعت اسم ايمن حست نفس تقطعلها : لا مش هوني شكونك انت كاترين غزرت فيها غزرة متاع غل وحبت تنبزها : اما صاحبتو وعن قريب مرتو بعد طلاقكم بيانسور مرام كي سمعت طلاق ومرتو لعبت عليها الدوخة رجعتلها لوجيعة لي في قلبها بعد مابدت تنسي بعد ماحست ايمن بدا يتبدل معاها فاهمتو من غزة عينيه بلي تعلق بيها بلي هي تعنيلو حاجة اما كلام كاترين طيحلها احلامها كل في الما لي حستو كل كان غالط حست ايمن عمرو ماحبها وعمرو ماراح يحبها هي وين وها القنبلة لي قدامها وين كاترين: نجم ندخل عندي معاك هدرة مرام هبطت راسها وحطت شعرها ورا وذنها : اي تفضل كاترين حاطة رجل علي رجل ودور في عينيها في الدار: اممممم ايمونتي مابدل شي في الدار خلا كلشي كيما حبيتو مرام تحس في دم نشف في عروقها تجبد في النفس بسيف وتبلع في ريقها اما مانجمت تقلها شي لالخص كي فهمت من كلامها بلي ياما ليالي فوتتهم كاترين في فرش ايمن لي هي ماعندهاش الحق حتي تقربلو وهي مرتو حلالو حبت تبكي اما مانجمتش........ كاترين: شوف مرام ايمن حكالي كلشي وفي بالي بيك تحبيه اما هو مايحبكش راو كان يهرب من الدار ويجيني غير باش ما يشوفكش احنا نحبو بعضنا كنا باش نعرسو غيرشي طا مليكة الله يهديها فزدتلنا كلشي وحتمت عليه العرس..... مرام ساكتة ومهبطة راسها وتسمع ومع كل كلمة توجعها تركز معاها: مايحبكش تحتمت عليه لعرس ........حست روحها راح تموت كاترين تحكي وايمن دخل وقفت كاتريت تجري راحت حملتو وتبوس فيه: chérie tu m' as manqué ايمن حبس في بلاصتو جمد شنوة هالمصيبة لي راهو فيها منين جت كاترين واش تعمل في دارو ومع مرتو مرام هزت راسها وتشوف في المنظر ماقدرتش تحمل رجليها ماحملتهاش هبطت راسها وعينيها تعباو بالدموع ماحبتش تبين وقفت مرام وصوتها يرعش: نخليكم علي راحتكم نروح نشوف لغدا لا يتخرق خرجت راحت للكوزينة حطت ايدها علي فمها وطرشقت بالبكا حست روحها ضايعة حست بلي هي رخيسة وماتسوا شي كيفاش يحكيلها ويقلها بلي مامسهاش وبلي هي كي اختو تبكي يحرقة كبيرة حبت تعيط حبت تكسر لي قدامها كل اما حاولت تتحكم في اعصابها بعد كلشي هو عمرو لا وعدها بشي زواجهم من نهار الاول كان علي الوراق بالرغم من الجيعة ولقهر لي هي فيه اما مانجمتش تكرهو حبها ليه ماعندوش تفسير علي قد واش ظلمها هي مانجمتش تكرهو ولا تحقد عليه حتي وهي في اعز عذابها وهي تبكي ديما تخمم فيه وفي مصلحتو تحبو فرحان ...... ايمن كشاكشو طالعة وهبل كي شاف كاترين: اش قلتلها ازرب حل فمك كاترين مغزلة : قلتلها كلشي قلتلها بلي في بالي بلي صاير بينكم وبلي انت تحبني وباش نعرسو بعد ما طلقها خلاص يزي من هالمسرحية لي دارتهالنا امك ايمن نطرلها ايديها : اما طلاق واما عرس لي تحكي عليه خرجتلو مرام وقفت تغزرلهم زوز عينيها حمر بالدموع: انا ماننكرش الي حبيتك ونقعد نحبك حتان نموت عمري ماشفت لراجل اخر وعمري ماخممت في حد اخر اما مانيش باش نكون انانية انا مستعدة نضحي بحياتي ونشوفك فرحان ومع لي تحب كي نشوف الظحكة في فمك تكفيني اني نعيش متهنية عليك هزت راسها وغزرتلو : ايمن ماني اول واحدة ماني اخر وحدة باش تتطلق كلشي بالمكتوب وكانك خايف علي امي تهني مانيش باش نقلها انا هك ولا هك كان يلزمني نهبط نقعد نتلها بيها...طلقني..ايمن........... كاترين قعدت باهتة فيها صحيح في بالها تحبو اما مش للدرجة هذي..... ايمن كي شافها تبكي وسمع كلامها تصدم وزادت كبرت في عينو وحس روحو بلي ضيع جوهرة حس روحو غلط تخنق ماقدرش يجاوبها وزادا ماقدرش يعترفلها بحبو بالطريقة هذي ..دار لكاترين خطفها من ايدها وناض يكركر فيها وقالها : امشي قدامي نتفاهم ما سماك خرج ودا كاترين معاه مرام طاحت في القاع تبكي بالصوت زادت تحرقت كي دار هكاكا كانت تستني يجي يحملها ويبوسها ويقلها لا مانطلقكش انت لي نحبك انت مرتي اما هو لا ماعبرها بحتي كلمة لهادرجة يكرهني لها الدرجة يحب كاترين وانا مانعنيلو شي.......هي هكاكا وينوقز تاليفونها لقاتها مليكة هزت مانجمتش تحكي غير تبكي و مليكة تهدي فيها حتي حكتلها كل شي مليكة: بنت لحرام اتو نوريك فيه وفيها مرام: لا يا خالتي يزي ماحتمت عليه روحي خليه يعيش حياتو مع لي يحبها انا تو وفا المكتوب نحب نروح عند امي

الحلقة 8 ☺ مليكة: بنيتي وسع بالك لواه لكلام هذا تو صدقني يحبك و الله .......مليكة جت باش تحكيلها اش دار كي قاتلو علي ولد صاحبتهاومرام قصت عليها مرام: في بالي يحبني كيف اختو خالتي يعيشك ماعادش منجمة تعبت والله تعبت خليني نروح حذا ما نشبع منها كون كاشما يصرالها نموت مليكة حستها بلي الطفلة خلاص ماعادش فيها اما في بالها بلي ولدها يحبها غيرشي بنت الحرام لي جت ودخلت ررحها مليكة: باهي باهي هدي روحك اتو نبعثلك رياض يجي يجيبك عندي وبعد ربي يديرلنا دليل مليكة قصت من عندها وكلمت رياض باش يروح يجيبها وبعد كلمت ايمن: هكة ياساقط تديلها في صاحبتك للدار ماني قتلك كي ماحجتكش بيها طلقها علاه بنيتي مسكينة تحرقلها في قلبها وهي تحبك و الله ماتحشم ايمن : كلمتك شنوا عاملة هي تو مليكة: وليت تو تفركت عليها اشنوة عاملة علاش خليتلها وانت و الخامجة لي معاك باش تعمل ......هاني نبه عليك اني بعثتلها رياض يجيبها عندي وجهك مانحبش نشوفو هنا خليها تنسي الهم لي معيشها فيه ...ماخلاتوش يجاوبها وقصت عليه ايمن قص ودار لكاترين عاجبك تو لي عملتيه اش قتلك انا احر مرة مش قتلك عافني اخطاني ماحاجتيش بيك مش قتلك نحب مرتي ومشمي مطلقها كاترين قحرتلو ضحكتلو بتسوميم: مرتك منين ياحسرة انت لتو لا مسيتها.... ايمن هز ايدي وصرفقها بكف شكون قالك انت لي انا مامسيتهاش عايشة معاية انزل يا مسخة وجهك مانزيدش نهب نراه وهاني نبه عليك مرتي خط احمر تزيد تجيب طريقها لما نقتلك واك تعرفني اشنو نجم نعمل........ مرام وصلت طول ترمت عند خالتها تبكي : خالتي يعيشك نحب نروح لتونس يعيشك مليكة: يابنيتي كيفاش وراجلك وامك كون تسمع تموت مرام زادت قوت في البكا: راجلي اما راجلي خالتي راني لتو صبية وراجلي لي تحكي عليه مايحبنيش ويحب علي مرة وحد اخري كيفاش تحبني نقعد تحبني نحظر لعرسو ونموت وكانك علي امي ماتخاش هليها مانقلها شي حتي كان ايمن طلقني تو نخبي حتي ترتاح شوي مليكة: و ه بنيتي اما طلاق يزيتشي تو مرام: خالتي والله ماحاجنتي بشي قلو يطلقني مايسالش والفت بالعذاب 4 شهور وانا عايشة نشوغ فيه من بعيد لا عندي حق لاباش نربو لا باش نمسو استانست تو نكمل حياتي وانا نحلم بيه كيما كنت نحلم بيه وانا صغيرة .......تحكي وتحس في وجيعة كبيرة في قلبها كي تتفكر بلي راح تبعد عليه راح تكمل حياتها بلا بيه ....... فاتت سمانة ايمن قد ماخاول امو باش تخليه يشوفها ويحكي معاها وشي حبت تربيه وتندمومرام كانت غي رتبكي كل يوم وين تتفكر اش صار وكيفاش هز كاترين وخرج من غير مايخمم فيها ولي زاد عليها الي ماحاولش حتي يجي لدار امو يشوفها ولا يسال عليها مافيبالهاش بلي امو هي لي مانعتو ...قررت انها نشري بي وتروح لتونس خلاص فرنسا لي كانت ميتة عليها وحابة تجيها كزهتها وماعادتش تحب تزيد دقية فيها.....شرات بي وحطت خالتها اما الامر الواقع مرام: خالتي ليوم هابطة لتونس طيارتي لعشية مليكة: وهه بنيتي وهذي عملة تعملها من غير ماتشاور مرام: خالتي سامحني اما انا اتو ماعندي علاه باش نقعد هوني خليني نروح حذا ماما خير تحكي وتبكي لي نحبو ولي جيت عا خاطرو ماعادش ليا ولا عمرو باش يكون ليا. ايمن كان واقف وراها ويسمع فيها اش تحكب ايمن: امي خليها علي راحتها...... تصدمت هي ومليكة كي سمعوه دارت قعدت تشوف فيه توحشتو قلبها بدا بدق بالقاوي ماقالت حتي كلمة تمنت انها تحملو وتقلو توحشتك تشم ريحتو تبوسو من شفافو اما هذا كل يقعد ديما حلم بعيد عليها مليكة: اش مجيبك هوني مش نبهت عليك ماتحطش ساقك هنا ايمن سكت ودار لمرام: عاقداش الطيارة لي باش تروح فيها مرام من الصدمة جاوبتو : لها الدرجة زارب بيا باش نروح ايمن: لا اما حتي انا هابط لتونس يخي قلت نديك معايا للمطار الشب لي مافيبالهاش بيه مليكة ونرام الي ايمن كان يتبع فيها من بلاصة لبلاصة وشافها نهار لي راحت لاجونس دو فوايج خليها ماكملت ودخل من وراها وسقسي ياخي عرف بلي قصت بي شرا حتي هو وصمم انو يرجعها لحظنو ماهوش باش يسلم في حب حياتو بالساهل

الحلقة 9 ☺ ركبو في الطيارة وايمن راح تفاهم مع الراجل لي بجنب مرام باش يتبادلو لبلايص قعد بحذاها هرام كانت ساكتة ومهمومة ومش فاهمتو علاش هابط لتونس هو مايحبنيش ويحب كاترين و باش يعرس بيها الف نسوال تسال فيه وخرجت بنتيجة وحدة انو هابط باش يطلقها في تونس بحكم انهم كتبو صداق غادي مجرد الفكرة خلتها تتخنق حست بوجيعة كبيرة في قلبها اما ماعندها ماتعمل كلشي بالمكتوب هي حبتو وعشقتو اما هو بالنسبة ليها مكتوب واحد اخريhttp://bit.ly/2MIJ7ai ايمن مني هزها من دار امو وه يغزل علي لبسة لي لابستها لابسة مونتو فيلبيض وقصير بوني بيضة جات تفتق صبر ماقال شي اما كي ركبو في الطيارة ترشق كي نحات لمونتو وشافها لابسة روى قصيرة وفخاذها كل باينين : مرام شنوة اللبسة لي لابستها اخر مرة تحطها عالحمك مرام دخلت في حيط مافهمت شي : ش...ششش.شنوة فاش قاعد تحكي انت ايمن: لي سمعتو مايساعدنيش انا بدن مرتي يتفرج فيه لي يسوا ولي مايسواش مرام كي قالها مرتي حستو يتمقعر عليها اخر حاجة توقعتها انو يكون غاير ضحكت باستهزا مرام: مرتك.. هههه شوف ايمن ماكش مجبور باش تلعب دور الراجل لي يغير علي مرتو واحنا رايحين باش نطلقو من فضلك خلينا نقعدو بالقدر ونتفكرو بعضنا كان بالباهي...... ايمن فهم الي هي مافاهمة شي من جيتو معاها ماحبش يجاوبها سكت علي خاطر كان ناوي يرجعها باي طريقة دوب ماوصلو لدارهم ترمات عند امها لي كانت تاعبة برشا : يامي توحوشتك مانزيدش نبعد عليك جملة حسينة تحكي بصوت تاعب اما تقوي في روحها: وه بنيتي وراجلك لمن تخليه مرام زادت سمعت كلمت راجلك وهي قوات في البكية اذيكا تقتلها تغزر لامها وتحكي بينها بين روحها يامي كون تدري لي صار لبنتك لي معرسة ومش معرسة لي راح تطلق صبية بعد اشهرة متاع زواز علي ورق كون تدري بالنار لي شاعلة فيا و انا نخبي في دموعي باش واحد مايحس بيا اما الله غالب الراجل لي حبيتو مايحبش عليا يحب علي وحدة اخري انا مانعنيلو شي تشويت يامي بحبو ومانجم شي عاخاطر نعشقو ونحبو فرحان نحبو يكون مع لي يحبها خاطر نعرف وجيعة لقلب كي يبعد عالي يحبو مانحبوش يذوقها ....... حسينة: بنيتي اشبيك علاش هالبكا كل تي هاك جيت هاك بحذايا يزي يعيش وبنتي .....دارت لايمن تغزرلو : ظاهرلي ايمن مش باهي معاك حابة تهرب منو مرام حست بلي امها فاقت بيها وهي ماتحبش تزيد علي مابيها : ناضت مسحت دموعها: لا امي ايمن حطني في عينيه اما انا مانجمتش نبعد خلاص ماعادش رايحة لفرنسا باش نقعد حذاك انت وبابا..... ايمن حاط ايدو في جيابو يغزر فيها ويسمع وساكت كي قالت بلي ماعادش راجعة لفرنسا تخنق فد حس روحو راح يموت تنهد تنهيدة من عراش قلبو حسينة وهي تدكك علي مرام : وايمن ماعادش حاجتك بيه ?? ساي كرهتو لي كنت راح تهبل عليه ? تحبو ياخو مرا اخري كي تهملو نزلت عليها الكلمات كي الصاعقة مانجمت تقول شي .... ايمن : شفت يا خالتي هاي جايبتني نجري وراها مخلي خدمتي وجاي عقابها خفت لا تهربلي حسينة تظحك: وه وليدي مرام تهرب وتخليك امبوسيبل تي تموت وماتخليكش اذيكا اسالني انا نقلك ..... مرام تقلقت من كلام امها تي مش ناقس هو نفخان فيقها كان ايمن من سرحتها ايمن: حتي انا نموت علي مريتي راي حياتي كون تخليني نموت راو يهدر ويغزرلها مرام مافهمت شي اما زادت لقات تفسير اخر الي هو يمثل قدام امها كي عادت مريضة... كملو سهرو مع امها وبوها وخيوتها حتان تعبو ايمن بدا ينعس شافتو حسينة : مرام هيا هز راجلك واطلعو ارقدو هاو ويني حظرتلكم البت الفوق راجلك تعب برشا مرام دارت لايمن راحت من بالها لفكرة هذي تي وين باش يرقد ها السخطة تي احنا ملي عرسنا مارقدناش في فرد فرش و تو كي باش يطلقني يرقد بحذايا ياربي فت ها الليلة علي خير

 

الحلقة 10 ☺ ايمن: و الله ياخالتي في وقتها هيا مرام انا غلبت يلزمنا نرقدو دارتلو مرام بغزول: امشي ارقد انت اتو نخلط عليك..... حسينة : وه بنيتي مايجيش روح مع راجلك ماناش هاربين راو مازالو ليالي و ايامات باش نفوتوهم مع بعضنا...... ايمن : خالتي نجي نبوسك علي الكلام لحلو لي تخرج فيه من فمك ونقز علي خالتو يحظن ويبوس خالتو تظحك مرام كي شافت امها تظحك وفرحانة ماحبتش تزيد عليها اما هي قررت باش تصارحهم في اقرب وقت وتحبس هالمسرحية طلعو لبيتهم مرام ووراها ايمن لي سكر الباب وراه وهي قلبها ولا في لالف وبدا يقربلها غزرتلو غزرة حادة : كيفاش باش نباتو الليلة ايمن: كيف اي كوبل معرسين مرام غزلت: ايمن نفكرك بلي احنا معرسين عالورق اكهو وباش نطلقو مالا يزي من تبوليدك ايمن زاد قربها حتان لصقت في الحيط : كان تحب اتو ترجع مرتي بالحق الليلة وحكاية طلاق انسا مانيش مطلق مرام حست بروحها ترعش وبدنها سخن قربو منها يهبلها ويدخلها في حيط دزتو وقاتلو : كيفاش باش تعرس بكاتريت مالا ايمن حس الدم طلعلو لمخو غزل ماعادش حامل: اما عرس تحكي عليه انا معرس بيك انت وانت هي مرتي وحياتي ومانحب حتي علي مرة اخري مرام: ايمن بربي يزي يزي مالعبت بيا راني ماعانديش القوة باش نلعب اللعب هذا راني ماطالبة منك شي ....بدا دموعها تهبط......كي نشوفك فرحان عندي بدنيا ومافيها انا ربي ماهوش مكتبلي باش نعيش معاك اما ليامات لي عشتهم معاك يكفوني لعمر كل راح نقعد نحبك حتان نموت اما عمري ماراح نكون انانية و نحتم عليك روحي نعرف بلي ماتحبنيش ونعرف بلي تتقزز مني ومن بدني كنت نحسها في كل نظرة تشوفهالي وزدت تاكدت كي شفت كاترين انا وين وهي وين انا ماتخلقتش باش تكون ليا اما قلبي مانجمتش نتحكم فيه الله غالب حبيتك ومانجمتش نكرهك....بالاك انا مكتوبي مع حد اخر وانا قاعدة نعذب في روحي ونضيعلك في وقتك. ايمن قربلها عالخر لسقها فيه يغزرلها في عينيها وهز ايدو يمسحلها في دموعها ويثبت في وجها لي عمرو ماثبت فيه كان يخمم ويقول مابهمني كيفاش كنت اعمي عليها ماحلاها وماحلا كلامها في كل كلمة نحبك تقولهالو قلبو يرعش يحب يدخلها في وسطو ويقفل عليها قتلاتو بحنانتها وحبها ليه لي علي قد ما هو ظرها و هو يزيد مانقصش حتي طرف ...قعد يغزرلها في فمها لي يرعش والدموع هابطة عليه فوت صوابعو عليهم ومسحلها دموع ومافاقش بروحو حتان غطس فيهم يبوس فيها ويبرد في نارو لي شاعلة اما مانجمش يطفيها يبوس فيها و يحسس فيها بحبو ....مرام مانجمتش تقاومو تحبو وكانت تستنا في حاللحظة من وهي صغيرة ماحبتش تحبسو عاخاطر في بالها اول واخر بوسة راح تذوقها من عندو بالرغم من خبرتها لمعدومة اما سايراتو خلاتو يدخلها لعالمو عالم فيه كان ايمن ومرام ......يبوس فيها وحس نارو شعلت ماعادش منجم لازم تعود مرتو اليوم قبل غدوة شاهيها ويحبها اما ماينجم يعمل شي كان برضاها جبد عليها حس روحو باش يغلط معاها اما هي مرتو حلالو اشنوة لي يمنع غزرلها في عينيها وقالها: انا مكتوبك وانت متاعي وحدي وحد مايقربلك ....نحبك و نعشك وانت حياتي ومرتي ودنيتي كل ......... عاود طبس عليها ورجع يبوس فيها بقوة اكثر و لي زاد هبلو هي متجاوبة معاه.....مرام من عشقها ليه ماقاومتش ماهامهاش كان طلقها تحب تحس بيه تحب تعطيه اغلي ماعندها تحب تكون معاه حتي لوكان مرة وحدة في حياتها بدا يهبط لرقبتها يبوس ويعض دخل ايدو تحت روبتها لقصيرة ويمسلها فيكرشها هزها وحطها فوق الفرش وهي مسلمتلو ....... فاقت صباح تتحرك بسيف ايمن راقد في سابع نومة بالطبيعة متهني هي تو متاعو وحدو اما هي كانت خايفة دخلت تحت الدوش وهي تتفكر لي صار لبارح كيفاش سلمتو روحها كيفاش ضعفت كيفاش مامنعتوش كيفاش كانت مستحلية كل لمسة منو حتي الوجيعة لي يحكو عليها لبنات هي ماحستهاش كلشي تشوف فيه بنين و حلو اما كي تفكرت لي هو راح يطلقها قلبها ياقف وتحب لوقت يحبس في اللحظة لي كانت بين ايديه....سارحة مافقتش باب السال دو با كي تحل شافها زاد نارو شعلت بدنها لبيض لمعر هبلو نحا دبشو ودخل معاها...لصق في بدنها وحملها ولزها عندو وهي تفجعت فاقت من سرحتها....... ايمن: صباح الخير يا ابن واحلي عروسة مرام تربثت ماتت بالحشمة :,ايمن اش تعمل هوني

الحلقة 11 ☺ ☺ ايمن حس بيها كي حاشمة هبط ايديه ودورها ليه وهي زادت تربثت مالقات ماتغطي غطات صدرها بيدها وهبطت راسها ناحالها ايدها و كبس عليها من جنابها ولزها ليه : يعيشو لحشام انت مرتي تو نحي لحشمة ....هزلها راسها وباسها ومانحكيلكمش علي صار مارحمهاش لهفتو عليها ماقدرش يصبر وهي علي قد ماتقول يزي ماتنجمش تبعد .http://bit.ly/2MIJ7ai. ايمن قرب لمرام برشا وحسسها بحبو و فهمها لي هو حبها منلي كانو في فرنسا وحكايتو مع كاترين فضها معاها ليه برشا اما هي ماحبتش تفهم وغارت كي قالها نحب مرتي ....... ايمن ومرام عاشو ابهي لحظات في حياتهم ايمن كان يغير عليها برشا هبلها بالحزرة مايحب حد يغزرلها حبو ليها فات حبها ليه ....مرام حبت دير ريجيم وعلي قد ماتحاول فيه باش يخليها تروح لسال تترينا اما هو رفض علي خاطر ليسال في فرنسا ميكست وعلي خاطر مايحبهاش تضعف يحبها كيف ماهيا ......مازالو لتو لاجابو صغار اما ايمن ماهوش مخمم فيه الموضوع علي خاطر لي يهمو انها حب حياتو تكون معاه هذاك عندو بالدنيا ومافيها.ولي تكليكي على هد الاعلان اان شاء الله ربي يزوجها بواحد احسن من ايمن

النهاااااااية

رااااااااايكم لبنات 😉🙈👌👌